Азамат М. Мойынқұм аудандық сотына жеке басын куәландыру туралы арызбен жүгінді.
Өтініш беруші М. соттан 1951 жылы 25 тамызда Қырғыз Республикасының Шу облысы ауылында дүниеге келгенін және 1993 жылы туған ұлы мен 1996 жылы туған қызының әкесі екенін және 1985 жылдан бастап Жамбыл облысы Мойынқұм ауданында тұрғанын растауды сұрады.
Сот 2000 жылы совхоздағы өтініш берушінің үйінде өрт болып, оның құжаттарын өртеп жібергенін сенімді түрде анықтады. Бүгінгі күнге дейін М. өзінің жеке басын тек еңбек кітапшасымен және әскери билетпен куәландырады.
Қырғыз Республикасы Консулдығының анықтамасына сәйкес, өтініш беруші 1951 жылы 25 тамызда дүниеге келген, бұл 1974 жылғы үлгідегі паспортпен расталған және қазіргі уақытта М. Қырғыз Республикасының азаматы болып табылмайды. М. өтініште көрсетілген дәлелдері сотта еңбек кітапшасындағы жазбалармен, әскери билеттегі мәліметтермен, өтініш берушінің ата-анасы туралы мәліметтермен, туу туралы куәлікпен және істің басқа материалдарымен расталды.
Сот ұсынылған дәлелдемелерді ескере отырып және іс материалдарын зерттей отырып, М.-нің арызын қанағаттандырылды және заңды фактілерді анықтады.
Шешім заңды күшіне енді.
Мойынқұм аудандық сотының баспасөз қызметі
