Жамбыл облыстық сотының қылмыстық істер жөніндегі сот алқасымен ҚК-нің 371-бабының 1-бөлігі (салғырттық) бойынша айыпталған «Қимыл-тірек аппараты бұзылған балаларға арналған «Үміт» арнайы мектеп интернаты» директор Қазбекова Фарида ақтау үкімі шықты деп хабарлайды TURANINFO.KZ ақпарат агенттігі Жамбыл облыстық сотының баспасөз қызметі сілтеме жасап.
2020 жылы «Қимыл-тірек аппараты бұзылған балаларға арналған «Үміт» арнайы мектеп интернаты» мен «Жүрекпен көремін» қоғамдық бірлестік арасында орташа ортопедиялық велосипедін сатып алуға мемлекеттік сатып алу туралы шартқа қол қойып, нәтижесінде мекеме келісім-шартта көзделген «Рифтон АҚШ R130» маркалы тауарын емес, қолдан құрастырылған «VELO START» маркалы ортопедиялық велосипедін қабылдаған.
Қазбекованың өз қызметтік міндеттеріне салғырт қарау мен өнім берушінің қылмыстық іс-әрекетінің салдарынан мемлекетке 1 787 722 теңге материалдық залал келтірілген. Талас аудандық сотының 27.03.2023 жылғы үкімімен Қ. кінәлі деп танылып, оған 6 айға бас бостандығын шектеу жазасы тағайындалған.
Бірінші сатыдағы соттың үкімімен келіспей, сотталғанның қорғаушысы Қазбекова ақтау туралы апелляциялық шағым, ал прокурор үкімді өзгерту туралы өтінішхат келтірген.
Жамбыл облыстық прокуратурасы төмендегідей пікір білдірді:
Жамбыл облыстық сотының апелляциялық сот алқасының 2023 жылғы 30 маусымдағы қаулысымен Талас аудандық сотының 371-бабының 1-бөлігімен сотталған Ф.Казбековаға қатысты қылмыстық іс қылмыс құрамының болмауына байланысты тоқтатылды.
Облыс прокуратурасының ұстанымы бірінші сатыдағы соттың үкімін өзгертіп, Ф.Қазбековаға қатысты қылмыстық істі рақымшылық жасау бойынша қылмыстық жауаптылықтан босатумен қысқартсын.
Қаулының толық мәтінін алғаннан кейін прокуратура Қазақстан Республикасы Қылмыстық-процестік кодексінің 486-бабына сәйкес кассациялық тәртіпте заңдылығын зерделейді және бағалайды.
Апелляциялық сот алқасының 30.06.2023 жылғы қаулысымен Қазбековаға қатысты үкімнің күші жойылып, ҚК-тің 371-бабының 1-бөлігінде көзделген қылмыстың құрамы болмағандықтан ол ақталып, қылмыстық жауаптылықтан босатылды. Қылмыстық іс өндірісі тоқтатылды.
Қаулы заңды күшіне енді.