Филиалдын ақпараттық, түсіндірме, насихаттық жұмыстарының нəтижелері жəне жарияланымдары, оң динамикалық көрсеткіштері бар ма, ауыл аралаудан нақты нəтижелері, медициналық əрбір қызметтің құны мен көлемінің бағасы, қанша əлі нақты сақтандырылмағандар жəне оның себептері туралы ақпарат беру туралы TURANINFO.KZ ақпарат агентігі сұрау хат жолдаған болатын.
«Әлеуметтік медициналық сақтандыру қоры» коммерциялық емес акционерлік қоғамының Жамбыл облысы бойынша филиалы (әрі қарай — Қор филиалы) директоры төмендегідей жауап жіберілді:
Ағымдағы жылдың басынан МӘМС бойынша БАҚ-та 112 материал шықты, оның ішінде: газеттерде- 52 мақала, радиода -6, электрондық БАҚ (жаңалықтар порталдарында) — 48 мақала, теледидарда 8 сұхбат. Сонымен қатар әлеуметтік желілерде жарияланымдар саны -183. Аталған мақалаларда МӘМС жүйесінің енгізгелі бері қаржыландырудың ұлғайуына байланысты медициналық қызметтердің өсімі жөнінде, тиімділігі мен артықшылықтары, жүйенің негізгі сұрақтарына жауап және МӘМС арқылы медициналық қызметтерді алған облыс тұрғындары туралы материалдар жарияланған.
Жыл басынан түрлі санаттағы азаматтармен 100 астам кездесу өтіп, оған 4785 адам қатысты.
Жамбыл облысы әкімінің бірінші орынбасары Н. Календеровтың бекіткен кестесіне сәйкес, жыл басынан облыстың барлық аудандарында тұрғындармен есептік кездесулер өтіп, оған – 2 821 адам қатысты. Кездесулер әлеуметтік желілерде, БАҚ беттерінде жарияланды. Негізгі контингент: аудан белсенділері, халықтың әлеуметтік осал топтарының өкілдері, кәсіпкерлер және т. б. Кездесулер халықпен диалог түрінде ашық форматта өткізілді, онда азаматтардың уақтылы медициналық көмек алуға қатысты толғандыратын мәселелері талқыланды.
2023 жылғы 1 маусымдағы жағдай бойынша Ұлттық статистика бюросының деректері бойынша Жамбыл облысында халық саны 1 221 318 адамды құраса, олардың 942 275-і сақтандырылған, яғни халықтың 77,2% медициналық сақтандыру жүйесіне қатысу құқығына ие.
2023 жылғы 1 маусымдағы сақтандырылмаған тұрғындар саны 279 043 (22,8%) адамды құрайды.
Сақтандырылмаған халықтың құрамында 42 446 жалдамалы жұмыскер, 6 451 жеке кәсіпкер, азаматтық-құқықтық сипаттағы шарттар бойынша қызмет көрсететін 6 185 адам, 12 180 БЖТ төлеуші, 4 120 дербес төлеуші, 156 301 адам соңғы 12 айда ешқашан жарна төлемеген не болмаса МӘМС жүйесіндегі мәртебесі анықталмаған.
Мәселен, ағымдағы жылдың басында облыста сақтандырылмағандар саны 290 198 адамды құраса. Бұл ретте атқарылған жұмыстар нәтижесінде сақтандырылмаған азаматтар санын азайту бойынша динамика 11 155 мыңға жуық адамға кеміген.
Дегенмен, бұл бағытта әлі де тиісті құзырлы мемлекеттік органдармен бірлескен жұмыстарды күшейтуді талап етеді.
Халық үшін ақпарат алудың негізгі арналары қоғамдық көліктер, әлеуметтік желілер, қоғамдық орындар, сондай-ақ телеарналар, газет,журнал, ақпараттық агенттіктер т.б. болып табылады.
Осы орайда, облыстың денсаулық сақтау саласына қатысты белсенділігіңіз үшін алғысымызды білдере отырып, тұрғындарға жүйе туралы барынша хабардарлығын арттыру мақсатында, өзіңіз басқарып отырған TURANINFO.KZ ақпараттық агенттігі арқылы МӘМС туралы материалдарды жариялауға ықпал етуіңізді сұраймыз.
Бұдан басқа, Тегін медициналық көмектің кепілдендірілген көлемі шеңберінде және Міндетті әлеуметтік медициналық сақтандыру жүйесінде көрсетілетін медициналық қызметтерге тарифтер Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-170/2020 бұйрығымен бекітілген. Барлық нормативтік құқықтық актілер ашық дереккөздерде қол жетімді екендігін қоса хабарлаймыз.
Ең қызығы, филиал ашқан “Әлеуметтік медициналық сақтандыру қорының Жамбыл облысы филиалы” (@zhambyl.fsms) ресми бетіне бар жоғы жазылғандар саны — 40. Ресми филиалдың “страничкасы” осы жылдың 2 наурызда ашылған екен. Салынған ақпараттары бөлісу, ауылдарда кездесу туралы бір оң медициналық тәжірибе жайлы жазылған болды. Өздерінің контент жасап, ақпаратпен, филиал жұмысымен бөлісу, бірінші басшының тікелей эфирлері, тұрғындармен кері байланыс жұмыстары байқалмады.
Филиал басшысы Ләззат Алимованың фэйсбук әлеуметтік желісінде 4,4 мың адам жазылған екен. Осы жылы 15 жарияланым жасап, оның ішінде қор филиалының жұмысына тек 4-5 ғана жатады. Мүмкін осындай қор филиалының ақпараттандыру жұмысының нәтижесі болар облысымызда 279 043 (22,8%) сақтандырылмаған адамдар болып тұрғаны.
Елімізде маусымның əр үшінші жексенбісі – медицина қызметкерлерінің күні. Осы атаулы күні адам жанының арашашысы, ақ халатты абзал жандарға арнайы құрмет көрсетіліп, еңбектері ерекше еленеді. Дегенмен денсаулығымыз сыр беріп, жанымыз қысылғанда көмек қолын созуға қашанда дайын тұратын дəрігерлерді əрдайым дəріптеуіміз керек.
