Қазақстан Республикасы Ақпарат және қоғамдық даму министрлігі, «Азаматтық бастамаларды қолдау орталығы» коммерциялық емес акционерлік қоғамының «Ұрпақтар сабақтастығын және Қазақстан халқының дәстүрлерін танымал етуді қамтамасыз ету жөніндегі шаралар кешенін іске асыру» мемлекеттік гранты аясында «Жамбыл облысы жастар ұйымдарының Қауымдастығы» заңды тұлғалар бірлестігі орта білім беру ұйымдары арасында өткізіліп жатқан “Ұлы дала өркениеттері” атты байқауына орта білім беру ұйымдары белсене қатысып жатыр.
Өткізіліп жатқан іс шаралар өскелең ұрпақты Қазақстан халқының мәдениетін, ана тілін, ұлттық дәстүрлерін сақтауға және дамытуға, дәстүрді жаңғырту және дамыту мәселелеріне, ұлттық және мәдени бірегейлікті сақтауға, сондай-ақ жастарды өз халқының мәдениетіне, халық шығармашылығына жанашыр болуға тартуға өз септігін тигізіп жатыр.
Ақмола облысы Целиноград ауданы Қажымұқан жалпы орта білім беретін мектебінің ұстаздары мен оқушылары 21 -қыркүйек күні мектебінің ұстазы Байсалова Ақгүл Есіркепқызы ұйымдастыруымен «Жәдігерлер сыр шертеді» атты Оразбек Көкейұлы атамызбен кездесу өткізіп, 7 «Ә», 7 «Б», 8 «А», 8 «Ә» сынып оқушыларына онлайн түрінде бейнетаныстырылым көрсетілді.
«Ақмола облысы Целиноград ауданы Қажымұқан жалпы орта білім беретін мектебінің ұстаздары мен оқушылары қатысып отыр. 21-қыркүйек күні мектебінің ұстазы Мырзаханова Мархабат Умиткалиевна мен тігінші Лиза Ботайқызы ұйымдастыруымен «Ұлттық қолөнер – тәрбие көзі» тақырыбында ашық көрме күні өтті. Көрмеге 6, 7-сынып оқушылары ат салысып, белсене қатысты.
“Ұлы дала өркениеттері” атты байқауыы аясында түсіндірме жұмыстарын жүргізу үшін Мұнайлы ауданы, Атамекен ауылдық Ар — Рахман мешітінің бас имамы Еміл Зиядулла және 11 «Ә», 11 «Г» сынып оқушыларының қатысуымен дөңгелек үстел өткізілді. Сонымен қатар, айтулы іс — шараға мектеп директоры К.Нурбаева мен тәрбие ісі жөніндегі орынбасар У.Жарасбаева және тарих пәнінің мұғалімдері А.Мадатова, А.Сулайманова, П.Султанова, А.Курмашев, Е.Изтилеуов, А.Атабаева қатысты. Тақырып аясында өзекті және құнды ақпараттар айтылып, оқушылар тарапынан сұрақтар қойылып, кері байланыс болды. Дөңгелек үстел өз деңгейінде өткізілді.
Байқауға “Орта білім беру ұйымдары арасында өткізілетін «Ұлы дала өркениеттері» атты байқауы аясында 138 білім беру ұйымы өтінім берді. Айта кетейік, байқаудың жүлде қоры 1 800 000 (бір миллион сегіз жүз мың) теңгені құрайды. Сыйлықақы бағалау талаптарына сай ең жоғары ұпай жинаған үш ұйымға беріледі. І орынға бір миллион теңге, ІІ орынға бес жүз мың теңге, ІІІ орынға үш жүз мың теңге қарастырылған.
