Жамбыл облысының қылмыстық істер жөніндегі мамандандырылған ауданаралық сотында, алқабилердің қатысуымен, Қылмыстық кодекстің (әрі қарай ҚК) 99-бабының 2-бөлігінің 9-тармағында, 293-бабы 3-бөлігінде, 287-бабы 1-бөлігі (бұзақылық ниетпен адам өлтіру) бойынша айыпталушы қатысты қылмыстық іс қаралды.
Сотпен не анықталды:
Д.М. суық қаруына жататын жиналмалы аңшы пышағын өзімен бірге алып жүріп, Шу қаласындағы «Лото клуб» құмар ойын орталығының алдында маңызы шамалы себепті негізге алып, қоғамды құрметтемеуі анық көрінетін жағдайда М.Т.-ның алдыңғы сол жақ кеудесіне енген шаншып-кесілген жарақатты пышақпен келтіріп, нәтижесінде жәбірленуші алған ауыр дене жарақаттарынан ауруханада есіне келмей, қайтыс болған. Екінші жәбірленуші Н.М.-ның оң жақ кеудесіне, ішіне, сол жақ иығына енбеген шаншып-кесілген жарақатты келтіріп, нәтижесінде жәбірленушінің денсаулығына жеңіл зардап келтірілген.
Алқабилер қатысатын сотта қылмыстық істі сот тергеуінде қарау нәтижесі бойынша, алқабилермен, сотталушы Д.М.-ның жәбірленуші М.Т.-ға қатысты іс-әрекеті ҚК-нің 106-бабының 3-бөлігімен және Н.М.-ға қатысты іс-әрекеті ҚК-нің 293-бабының 3-бөлігімен сараланды.
Тараптардың позициясы:
Прокурор сотталушы Д.М.-ға 10 жыл 6 ай бас бостандығынан айыру түріндегі жаза тағайындауды сұрады.
Сотталушы Д.М. өзінің іс-әрекетіне өкінетінін жеткізді.
Дәлелдемелер бойынша:
Жасаған іс-әрекеті тергеп-тексеру амалдары жүргізілу барысында толтырылған процессуалдық құжаттармен, сараптамалардың қорытындыларымен және басты сот талқылауында зерделенген қылмыстық істің процессуалдық өзге де материалдарымен дәлелденді.
Сот шешімі:
Қылмыстық жауаптылық пен жазасын жеңілдететін мән-жайлар ретінде, сот оның іс әрекетіне өкінетінін, бұрын сотты болмағанын, тұрғылықты жерінен жақсы жағынан мінезделетінін таныды. Қылмыстық жауаптылық пен жазасын ауырлататын мән-жайлар сотпен анықталған жоқ.
Сотталушы Д.М.-ның іс-әрекеттері ауыр қылмыстар санатына жататындықтан, және де қоғамға қауіпті болғандықтан, алқабилер мен сот, сотталушыға бас бостандығынан айыру жазасын тағайындау қажет деп шешті.
Сот үкімімен, қылмыстық құқық бұзушылықтардың жиынтығы бойынша жазаларды iшiнара қосу арқылы, ҚК-нің 106-бабының 3-бөлігімен, 293-бабы 3-бөлігімен, 287-бабы 1-бөлігімен кінәлі деп танылып, Д.М.-ға қылмыстық-атқару жүйесінің орташа қауіпсіздік мекемесінде жазасын өтей отырып, түпкілікті 10 жылға бас бостандығынан айыру жазасы тағайындалды.
Үкім заңды күшіне енген жоқ.
Айгүл Ержігіт
