Ш.Жамбыл облысы, Т.Рысқұлов ауданына қарасты «Шеңгелді» құм алқабында орналасқан шаруа қожалығының бірінде малын бағып жүріп, жабайы өсіп тұрған есірткі өсімдігінің жапырақтарын қолымен жұлып, құмның үстіне кептіру үшін жайған, ал жұлудан пайда болған қолындағы есірткі жұғындыларын екі қолымен бірін-бірі ысқылау арқылы екіге бөліп «каннабис шайыры» есірткі затын дайындап, өзімен бірге шегу үшін қолдануға қалтасына салған.
Әрі қарай, Ш. ақ түсті полиэтилен қабын алып, жылқысына мініп, кептіру үшін жайып кеткен есірткі затын жинау үшін аталған жерге барып, кептірілген есірткі затын өзімен бірге алып келген ақ түсті қапқа салып, аузын пресс жіппен байлап, мініп келген жылқысына өңгеріп, шаруа қожалығына жолға шыққан.
Қапқа салынған есірткі затын алып келе жатқан кезде, «Қарасора-2023» жедел-профилактикалық іс-шарасын жүргізу барысында, Жамбыл облысы полиция департаментінің ауданаралық есірткі бизнесіне қарсы іс-қимыл бөлімінің қызметкерлерімен ұсталған. Ш.-ға жеке тінту жүргізу барысында, шалбарының сол қалтасынан өткізу мақсатынсыз дайындап, тасымалдап, сақтаған– 5,66 грамм ірі мөлшердегі «каннабис шайыры» есірткі заты жәнежылқының қасында тұрған қаптың ішінен өткізу мақсатында дайындап, тасымалдап, сақтаған – 10200,0 грамм аса ірі мөлшердегі «кептірілген марихуана» есірткі заты табылып алынған.
Тараптардың позициясы:
Прокурор сотталушы Ш.-ға 11 жыл 6 айға бас бостандығынан айыру түріндегі жаза тағайындауды сұрады.
Сот отырысында сотталушы Ш. өзіне тағылған айыпты ішінара мойындап, есірткі заттарын өткізу мақсатында емес, жеке тұтыну үшін жинағанын жеткізді.
Дәлелдемелер бойынша:
Кінә іс бойынша жиналған дәлелдемелермен: сотталушының және куәлердің жауаптарымен, тергеп-тексеру амалдары жүргізілу барысында толтырылған процессуалдық құжаттармен, сараптамалардың қорытындыларымен, сондай-ақ қылмыстық істің өзге де материалдарымен дәлелденді.
Сот шешімі:
Сот қылмыстық жауапкершілігі мен жазасын жеңілдететін мән-жайларға,сот оның тұрғылықты жері бойынша жақсы мінезделуін, кінәсін ішінара мойындауын табады. Қылмыстық жауапкершілігі мен жазасын ауырлататын мән-жай сотпен анықталмады.
Сот үкімімен ҚК-нің 296-бабының 3-бөлігі және 297-бабының 3-бөлігінің 3)-тармағыбойынша кінәлі деп танылып, Ш.-ғақылмыстық құқық бұзушылықтардың жиынтығымен және үкімдердің жиынтығымен, Жамбыл облысы, Байзақ аудандық сотының 2022 жылғы 26 мамырдағы үкімі бойынша тағайындалған жазаның өтелмеген бөлігін ішінара қосу арқылы, қылмыстық-атқару жүйесінің орташа қауіпсіздік мекемесінде жазасын өтей отырып,Ш.-ға түпкілікті жаза ретінде 11 (он бір) жыл мерзімге бас бостандығынан айыру жазасытағайындалды.
Үкім заңды күшіне енді.
Қайнар: Жамбыл облысының қылмыстық істер жөніндегі мамандандырылған ауданаралық сотының баспасөз қызметі
