Жалпыреспубликалық «Халықтық заңгер» акциясы аясында Сыбайлас Жемқорлыққа қарсы іс-қимыл агенттігі Жамбыл облысы бойынша департаменті мен «Жамбыл–адалдық алаңы» жобалық кеңсесі және түрлі сала қызметкерлері Жуалы ауданында қоғамдық қабылдау өткізді.
Қабылдауға Б.Момышұлы ауылының Жамбыл-Абай көшелерінің тұрғындары келіп, 2 жылдан бері жан-жақа хат жазып, қоғамдық көлікке жете алмай келе жатқандарын айтты. Шағымды Р.Төлебаев назарға алды.
Аудан әкімі Н.Ергебеков келесі аптаның басынан бастап айтылған көшелерді қоғамдық көлікпен қамтамасыз ететінін жеткізді.
Сонымен бірге, Б.Момышұлы ауылының тұрғыны М.Иманәлиев жаңадан соғылған 8 үйге газ тарта алмай келе жатқандарын айтты. Р.Төлебаевтың араласуымен аудан әкімі бұл мәселені қарастырып, жақын арада газ тарту жұмысын қолға алатындарын жеткізді.