Жамбыл облысы бойынша экология департаментінің бастамасымен Геопортал арқылы анықталған рұқсатсыз орналастырылған қалдықтарды жоюда бірқатар жұмыстар атқарылып келеді. Облыс және қала әкімдерінің атына геопортпалмен анықталған қоқыс үйінділерін жою туралы хаттар жіберілді. 2020 жылы қалдықтарды рұқсатсыз орналастырудың 233 нүктесі анықталып, оның ішінде ұсынылған деректер бойынша 194 нүкте жойылды, бұл 83,2% — ды құрайды.
Өңірдегі экологиялық жағдайды жақсарту мақсатында, Қазақстан Республикасы Президентінің ағымдағы жылдың 10 шілдедегі хаттамалық тапсырмасының 12-тармағын орындау мақсатында, Экологиялық реттеу және бақылау комитетінің тапсырмасының негізінде, Жамбыл облысы бойынша экология Департаментімен ағымдағы жылдың 3 тамызында өңірдегі рұқсат етілмеген, кездейсоқ қоқыс тастайтын жерлері бойынша пресс-тур жүргізілді. Пресс-тур жергілікті атқарушы органдардың көмегімен Жамбыл облысы Жамбыл ауданы Қаратөбе ауылдық округі аумағында ұйымдастырылып өткізілді. Пресс-тур өткізу кезінде Жамбыл облысы әкімдігінің табиғи ресурстар және табиғат пайдалануды реттеу басқармасының бөлім басшысы Темирбекова Нагима Тургынбековна және Жамбыл облысы бойынша экология департаментінің бас маманы Нұрбаев Серік Рахымжанұлы қатысты.
Жамбыл облысы бойынша экология департаменті, ҚР Үкіметінің 15.06.2021 №21 хаттамалық шешіміне және Қазақстан Республикасы Экология, геология және табиғи ресурстар министрлігінің 02.07.2021 жылғы № 04-28/2374-И тапсырмасына сәйкес, 2021 жылдың 13 шілдесіндегі № 3- 1-891 хатымен кездейсоқ үйінділерді жою кестесін бір ай ішінде бекіту туралы тапсырманы жолдады. Кесте бекітіліп, кездейсоқ қоқыс үйінділердің жою мерзімі ағымдағы жылдың 15 тамызына дейін белгіленді.
«Kazakhstan Garysh Sapary ҰҚ» АҚ ғарыштық мониторингінің мәліметтеріне сәйкес, өздігінен қоқыс төгетін орындар туралы мәліметтер жаңартылды. Облыс әкімдігінің табиғи ресурстар және табиғатты пайдалануды реттеу басқармасының мәліметі бойынша, бүгінгі күні анықталған 172 өздігінен қоқыс төгетін орындардың 115-і жойылды, бұл 67 % құрайды. Қазіргі таңда 57 кездейсоқ үйінділерін жою жұмыстары жалғасуда. Сонымен қатар, бүгінгі күнге дейін Жамбыл облысы бойынша экология департаментінде 12 азаматтарды қабылдау өткізілді. Жыл басынан бастап, бүгінгі күнге дейін «Қазақстан Республикасы Экология, геология және табиғи ресурстар министрлігі – Адалдық-алаңы» жобасы аясында Департаментімен экологиялық мәселелер бойынша қоғам өкілдерімен 20 кездесу өткізілді. Соның ішінде: Қордай, Жамбыл, Сарысу аудандарының тұрғындарымен және әлеуметтік желілерде көтерілген проблемалық мәселелер бойынша кездесулер. Азаматтарды мазалайтын мәселелердің ішінде: кәсіпкерлердің жұмыс орыны тұрғындардың тұрмыстық-тіршеліктеріне кері әсері тигізетін жағдайлар. Мысалы, карьерлердің әсері, медициналық қалдықтарды жағу жөнінде және тағы басқа экологиялық мәселелер болып табылады. Тұрғындарға қолданыстағы заңнамалар талаптары және өзге де уәкілетті органдардың құзыреттері түсіндірілді, соның ішінде Сарысу ауданы қоғамдық ұйымдардың өкілдері мен тұрғындарының (Өтініш иелерінің) қатысуымен және «Еврохим» компаниясының басшылығы мен мамандарының қатысуымен кездесу ұйымдастырылды. Сондай-ақ, Жуалы ауданы тұрғындарымен видеобайланыс арқылы сұхбат жүргізілді. Кездесулерде тұрғындардың өтініштері тыңдалыпғ тиісті түсіндірмелер берілді. Сондай ақ, «Тараз металлургиялық зауыты» ЖШС-сіне қатысты шағым бойынша кездесуге қатысып, тиісті шаралар қабылданды. 26.02.2021 ж. Департамент басшылығымен 2021 жылы қабылданған ҚР Экологиялық Кодекс бойынша семинар-жиналыс өткізілді, семинарға 33 кәсіпорынның, жобалық және қоғам ұйымдар мамандары және Департамент қызметкерлері қатысты.
Материал Жамбыл облысы әкімдігінің ішкі саясат басқармасының тапсырысы бойынша дайындалды
