6 шілде күні Жамбыл жеріне Сайрамбай Дөненбаев туралы суық хабар естідік.
Жамбыл облысының тауарлар мен көрсетілетін қызметтердің сапасы мен қауіпсіздігін бақылау департаментіне “27 маусым күні Т. Рысқұлов ауданындағы тау бөктерінде «Джип-сафари expedition» жобасының өтуіне байланысты пікірлерінізді білдірсеніздер. Карантиндік режим қалай сақталды? Көпшілік іс шара өткізуге болмайтындығы қайда?” деп сұрақ жолданып, «Джип-сафари expedition» жобасын өткізуге рұқсат беру туралы Департаментке хат түспегенін хабарлайды. Жамбыл облысының Бас мемлекеттік санитариялық дәрігерінің 2020 жылғы 22 маусымдағы Жамбыл облысы аумағында объектілердің қызметін шектеу бойынша карантиндік шараларды күшейту туралы №27 қаулысының 4.3. тармағына сай жаппай көпшілік спорттық іс-шараларды өткізуге тиым салынады деп департамент басшысы Берік Жарқынбеков жауап берді.
Жамбыл облысы туризм басқармасына төмендегідей сауал жолдаған болатынбыз. Сауалда 27 маусым күні Т. Рысқұлов ауданындағы тау бөктерінде «Джип-сафари expedition» жобасының өтуіне байланысты пікірлеріңізді білдірсеңіздер, сондай-ақ Карантиндік режим қалай сақталды, көпшілік іс-шара өткізуге болмайтындығы қайда, жобаның өтуіне кім ұйытқы болды, қосымша қаражат тартылса кімдер демеушілік етті деген сауалдар көрсетілген еді. Біз өз тарапымыздан бұл сауалдарға БАҚ туралы Заңға сәйкес 2 жұмыс күні ішінде жауап берулерін және алынған жауап әлеуметтік желілерде жарияланатынын да ескерттік.
Өз кезегінде аталған басқарманың басшысы Ғани Майлыбаевтан «2020 жылдың 27 маусымында Т.Рысқұлов ауданының аумағында «Джип — сафари expedition» ашық аспан астында ұйымдастырылды. Іс-шара толығымен демеушілер қаражаты есебінен өткізілді. Шараны өткізудегі басты мақсат – облыстың туристік нысандарын әлеуметтік желілер арқылы әлеуетті туристерге таныстыру. Санитарлық талаптар қатаң сақталып, жабық іс-шара ретінде өткізілді. Шақырылған қонақтар саны 30 адамнан аспады. Қатысушыларға арнайы дезинфекциялау туннелі орналастырылып, дене қызуы тексерілді, антисептиктер, қолғаптар, маскалар/респираторлармен қамтамасыз етілді. Сонымен қатар, іс-шара өткізілген аумақ 4 санитарлық дәрігер, 2 жедел жәрдем, өрт сөндіру көлігімен қамтамасыз етілді» деген жауап келді.
Дегенмен біз 30 адамнан аспаған ол ауқымды шарада жүзге жуық адамды болғанын аңғардық. Оған дәлел ретінде “Делика клуб” өкілдері 50 астам көлік қатысқан. Сонда Алматы, Нұр-Cұлтан қалаларынан келген қонақтарының өзі 30 жуық болып тұрса, күтуші жақтын өзі кемі 30 адам болған. Сонда жауапты мамандар кімді алдап отыр.
Мұндай шара біздің облысқа қандай абырой мен туристерді әкелді? Менің берер бағам ешқандай. Облысымыздың дарабозынан айырылып қалғаны болмаса. Сол суықтан бой көтере алмай кетті дейді кейбіреулер. Ал тағы біреулер бүкіл ауыл ауырғанын алға тартады. Қалай болғанда да, ащы шындық ол — өңірдің туризм саласына енді ғана басшы болып келген Ғани Майлыбаев облысқа туристі емес, бір елге қасірет әкелді.
NO COMMENTS…
TURANINFO.KZ
