ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша Департаментінің Әдеп жөніндегі кеңес отырысында, Меркі ауданы әкімдігінің тұрғын үй- коммуналдық шаруашылық, жолаушылар көлігі және автомобиль жолдары бөлімінің басшысы К. Аргымбаевқа қатысты Меркі ауданы әкімінің хаты негізінде қозғалған тәртіптік іс қаралды.
Хатта Қ.Арғымбаев дәлелсіз себептермен жұмыс орнында 3 сағаттан аса болмағандығы көрсетілген.
Жүргізілген қызметтік тексеру нәтижесінде көрсетілген фактілер өз дәлелін тапты.
Көрсетілген мән-жайларды қарай келе, Әдеп жөніндегі кеңес, Меркі ауданы әкімдігінің тұрғын үй- коммуналдық шаруашылық, жолаушылар көлігі және автомобиль жолдары бөлімінің басшысы Кайрат Рахымбаевич Аргымбаевтың іс-әрекеттерінде Қазақстан Республикасының Еңбек кодексінің 52 бабы 1 тармағының 8) тармағында, сонымен қатар, Қазақстан Республикасы мемлекеттік қызметшілерінің әдеп кодексінің 2 тармағының 11) тармағында көрсетілген теріс қылықтардың белгісі бар, — деп тауып, Қазақстан Республикасының «Қазақстан Республикасының мемлекеттік қызмет туралы» Заңының 44 бабы 3 тармағының 5) тармақшасының талабына сәйкес, «атқаратын мемлекеттік лауазымынан шығару» түріндегі тәртіптік жазаға тартуды ұсынды.
Сонымен қатар, Жамбыл облысының Әділет департаментінің қызметіне Қазақстан Республикасының мемлекеттік қызмет туралы заңнамасын және Әдеп кодексінің сақталуына жүргізілген тексерудің нәтижелері туралы есебі мен Жамбыл облысындағы жергілікті атқарушы органдарының жұмысындағы сыбайлас жемқорлық тәуекелдері туралы есептері тыңдалды.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша Департаменті
