Ағымдағы жылдың 1 қаңтарынан бастап Жамбыл облысы денсаулық сақтау ұйымдарындағы 11896 медициналық қызметкерлерінің, оның ішінде 3248 дәрігердің жалақысы орта есеппен 30%-ға, 8648 орта медицина персоналының жалақысы орташа есеппен 20%-ға ұлғаяды, дәрігердің айлығы орта есеппен 268300 теңгеден 348790 теңгеге өсіп, орта медициналық буын персоналының айлығы 149334 тен 170000 теңгеге көтерілді.
Осы мақсатта республикалық бюджеттен қосымша 8,7 млрд теңге қарастырылды. Сонымен қатар, жасанды ұрықтандыру (ЭКО) бағдарламаларына 401 квота қарастырылып, ағымдағы жылдың 6 айында 310 квота игерілді. Жамбыл облысы деңгейінде көп бейінді балалар ауруханасында медициналық оңалту және қалпына келтіру емі бөлімшесі құрылып, бөлімшеде емдеу-сауықтыру және оңалту іс-шараларын ұйымдастыру бағытындағы медициналық қызметтер көрсетіледі. Төсек профилі: ортопедия /травматология, нейрохирургия және неврология.
2021 жылдың қаңтар айынан бастап 18 жасқа дейінгі балаларды 120 төсекке 21 күндік курспен жоспарлы емдеуге жатқызу басталды. Мүгедек балалар церебралды сал ауруымен, эпилепсиямен, әртүрлі көріністерде хромосомалық аурулармен, аутизммен ауыр сөйлеу бұзылыстарымен және психикалық ауытқулармен бірге білікті кешенді көмек алады. Сондай-ақ тірек-қимыл аппаратының ауруларын емдеу жүргізіледі: омыртқааралық және жұлын жарықтары/протрузиялар, сколиоз, остеохондроз, кеуде қуысының, аяқ пен жамбастың деформациясы, жарақаттан кейінгі және нейрохирургиялық қалпына келтіру, эндопротезден кейін қалпына келтіру.
Жамбыл облысы бойынша барлығы 12 жылжымалы медициналық кешен, оның ішінде 1 стоматологиялық кешен бар. Оның қатарында 4 – КАМАЗ мамандандырылған көліктері, 8 – Автобустық мамандандырылған көліктер. Барлығы 257 065 адамды (2020 жылы – 78 808) медициналық тексерумен қамту жоспарланған. 2021 жылдың 6 айында медициналық тексерумен 73 597 адам (28,6%) қамтылды, оның ішінде 19 512 бала (2020 жылы – 11 939, оның ішінде 4 379 бала).
Алдыңғы жылмен салыстырғанда медициналық тексерумен қамту 84%-ға жоғарылаған. Облыста ауруларды басқару бағдарламасына (АББ) диспансерлік есепте тұратын науқастардың 60% қамтылған. 15-17 жас аралығындағы балалар арасындағы суицид деңгейі 2021ж. Қаңтар-маусым 1 адам, яғни 100 мың тұрғынға-1,8; 2020 ж. Қаңтар-маусым 1 адам-100 мың тұрғынға шаққанда-1,8 көрсеткішіне ие. Жамбыл облыстық көп бейінді ауруханасынан «Дұрыс тамақтану орталығы» тұрғындардың денсаулығын сақтау мен нығайту және аурулардың алдын алу жайындағы, тағамдар құрамындағы тұз мөлшерінің құрамын шектеу бойынша консультациялық және медициналық көмек көрсетуде.
Материал Жамбыл облысы әкімдігінің ішкі саясат басқармасының тапсырысы бойынша дайындалды
