Ағымдағы жылдың 2 шілдесіндегі мәлімет бойынша, Жамбыл облысында коронавирус инфекциясының 65 жағдайы тіркелген, оның ішінде 17 симптомдық, 48 симптомсыз.
Барлық симптомдық тасымалдаушылар инфекциялық стационарға жеткізілді. Олармен байланыста болған адамдар карантинге оқшауланған. Ошақтарда қорытынды дезинфекция жүргізілді.
Атап айтсақ, Тараз қаласында 37 пен 75 жас аралығындағы тұрғындар арасынан 10 оқиға анықталды. Сондай-ақ, Мойынқұм ауданының 67 және 53 жастағы әйел тұрғындары дертке шалдыққан. Талас, Байзақ аудандарының 1983, 1934 жылдары туған тұрғындарынан да ауру расталған.
Алматы және Нұр-Сұлтан қаласынан келген 1987, 2012, 1952 жылдары туған тұрғындардан да 3 оқиға тіркелді.
Сонымен қатар, өткен тәулік ішінде Таразда 19 бен 74 жас аралығындағы тұрғындар арасында 29 симптомсыз оқиға тіркелген. Бұдан бөлек, Байзақ ауданында жаңа үш жағдай, Сарысу ауданында үш жағдай, Талас ауданында үш жағдай, Т.Рысқұлов ауданында жеті жағдай, Жуалы ауданында екі жағдай және Қордай ауданында бір жағдай расталды.
Олардың барлығы үй карантиніне алынды.
Ағымдағы жылдың 2 шілдесіндегі жағдай бойынша Жамбыл облысы аумағында коронавирустық инфекцияның 1533 жағдайы тіркелген.
Барлық науқастардың 529-ы сауығып, дәрігерлердің қадағалауындағы үй карантинінде шығарылды.
