2022 жылы білім беру жүйесін қаржыландыруға — 236 млрд. теңге қаржы бөлінген. Бұл туралы Turaninfo.kz ақпараттық агенттігі хабарлайды.
Облыста 569 мектепке дейінгі ұйым бар, онда 57888 бала тәрбиеленуде. Мектепке дейінгі тәрбиемен қамтылғандар үлесі: 1-6 жас аралығында — 91,5%, 2-6 жас аралығында — 94%, 3-6 жас аралығында — 100%.Оның ішінде жекеменшік мектепке дейінгі ұйымдар саны — 217, онда 22211 бала тәрбиеленеді.
Мектеп жасына дейінгі балаларды мектепке дейінгі ұйымдармен қамту үлесін арттыру мақсатында (2-6 жас арасындағы балалардың қамту үлесі — 94%) облыста 2022-2025 жылдарға арналған Қадамдық жоспар әзірленген. Қадамдық жоспарға сәйкес 2022 жылы 2197 орындық 24 жекеменшік ұйымдар ашу жоспарланған. Осыған байланысты жыл басынан 725 орын, оның ішінде 449 орындық 7 жекеменшік балабақша және 276 қосымша орындар ашылған.
Мектепке дейінгі тәрбие мен оқытуға мемлекеттік білім беру тапсырысын орналастыру Қазақстан Республикасы Білім және ғылым министрінің 2016 жылғы 29 қаңтардағы №122 бұйрығына (Еңбек нарығының қажеттіліктерін ескере отырып, техникалық және кәсiптiк, орта бiлiмнен кейiнгi, жоғары және жоғары оқу орнынан кейiнгi бiлiмi бар кадрларды даярлауға, жоғары және (немесе) жоғары оқу орнынан кейінгі білім беру ұйымдарының дайындық бөлімдеріне, сондай-ақ мектепке дейінгі тәрбиелеу мен оқытуға, орта білім беруге мемлекеттiк бiлiм беру тапсырысын орналастыру қағидаларын бекіту туралы) сәйкес жүргізілген.
Облыс әкімдігінің 2022 жылғы 28 маусымдағы №139 қаулысымен 2022 жылғы 1 ақпандағы №19 қаулысына өзгерістер мен толықтырулар енгізіліп мектепке дейінгі тәрбие мен оқытуға ата-ана төлемақысының мөлшері бекітілді. Яғни, осыған дейін мектепке дейінгі ұйымдардағы ата-аналардан алынатын ай сайынғы төлемақы мемлекеттік ұйымдарда 4200-8750тг, жекеменшік ұйымдарда 6000-10000 тг құрайтын болса, шілде айынан бастап мемлекеттік ұйымдарда 5250-11000 тг, жекеменшік ұйымдарда 8000-14000 тг құрайды.
Сондай-ақ, осы қаулыға сәйкес 2021 жылы ашылған жекеменшік мектепке дейінгі білім беру ұйымдарына 195 орынға мемлекеттік тапсырыс орналастырылған (Жамбыл-50 орын, Жуалы-45 орын, Т.Рыскулов — 50 орын, Талас-50 орын).
2021-2022 оқу жылында облыс бойынша 480 білім беру ұйымдарында 244299 оқушы білім алған(оның ішінде 444-і күндізгі, 4-і кешкі, 5-і арнайы, 27-і жекеменшік мектептер).
123 шағын жинақталған мектепте 11031 оқушы білім алуда. Шағын жинақталған мектептерде оқушылардың білім сапасын арттыру мақсатында 11 тірек мектебі (ресурстық орталық) жұмыс істеп, 35 магниттік мектептер бекітіліп, 4101 оқушы қамтылған.
Облыста білім сапасын арттыру, ауыл мен қала мектептерінің арасындағы білім сапасындағы алшақтықты азайту бағытында жүйелі жұмыстар жүргізілуде.
Ағымдағы жылдың 4 сәуір мен 6 мамыр аралығында облыстағы 29 білім беру ұйымы (25 мектеп, 4 колледж) Халықаралық PISA зерттеуіне қатысқан.
«Оқушылардың білім сапасындағы олқылықтарды жою мақсатында өңірдегі ЖОО бірлескен кешенді жоспар» жасалған.
Мектеп басшыларының басқару қабілетін жетілдіру мақсатында облыстық Директорлар кеңесі, педагогтердің озық тәжірибесін насихаттау мақсатында өңірлік Педагогтар ассоциациясы құрылған.
Оқушыларды оқыту мен дамытудың оңтайлы әдістері мен технологияларын трансляциялау мақсатында Адрестік көмек көрсету бағдарламасы қолға алынып, «Күзгі мектеп», «Қысқы мектеп», «Сырттай оқыту мектебі» жобалары жүзеге асырылуда.
Білім сапасы жоғары облыстық «Білім-Инновация», «Дарын» мектеп-интернаттарының, Тараз қаласындағы гимназиялар төмен білім сапасын көрсеткен мектептерге бекітілген.
Халықаралық PISA зерттеуі бойынша 2018 жылы Жамбыл облысының оқушылары «Математикалық сауаттылық» бойынша республика бойынша І орынды иеленді. «Жаратылыстану ғылымдары сауаттылығы» бойынша — 397 балл (республика 387 балл), «Оқу сауаттылығы» бойынша — 369 балл (республика — 387 балл) көрсеткіш көрсеткен.
Ақпарат Жамбыл облысы әкімдігі ішкі саясат басқармасының тапсырысымен дайындалды
Жатқанбай Әділет
