- «Мемлекет басшысының жарлығымен Берік Уәли Абай облысының әкімі болып тағайындалды, ол бұрынғы атқарған лауазымынан босатылды», — деп жазылған хабарламада.
Берік Уәли туралы не белгілі?
Берік Уәли 2019 жылғы наурыздан 2022 жылғы наурызға дейін Президенттің баспасөз хатшысы қызметін атқарды.
Ол Темірбек Жүргенов атындағы қазақ мемлекеттік театр және кино институтын «Кинотанушы», әл-Фараби атындағы қазақ ұлттық университетін «Журналистика», Қазақ инновациялық гуманитарлық-заң университетін «Құқықтану» мамандықтары бойынша бітірген.
Еңбек жолын 1997 жылы «Хабар» агенттігі» АҚ-ның журналисі болып бастады, сондай-ақ «ТАҢ» телекомпаниясының, «НТК» телеарнасының, «31 канал» ЖШС-нің ақпараттық бағдарламаларының редакторы, «Нұр Медиа» ЖШС-нің жемқорлыққа қарсы медиа орталығының жетекшісі болып жұмыс істеді.
Берік Уәли Оңтүстік Қазақстан облысы әкімі аппараты басшысының орынбасары, баспасөз қызметінің басшысы, ішкі саясат және дін істері басқармасының басшысы, Amanat партиясы төрағасы бірінші орынбасарының кеңесшісі, ҚР Инвестициялар және даму министрінің кеңесшісі, Ақпараттық қамтамасыз ету департаментінің директоры, Жамбыл облысы әкімдігінің ішкі саясат басқармасының басшысы қызметтерін атқарды.
2022 жылғы наурыздан 2023 жылға дейін «Хабар» агенттігі» АҚ басқарма төрағасы қызметін атқарды.
2023 жылы 12 қыркүйекте Берік Уәли қайтадан Президенттің кеңесшісі-баспасөз хатшысы болды.
Ол — «Дарын» мемлекеттік жастар сыйлығының иегері.
