Жамбыл облысы Меркі ауданы орталық ауруханансының қауіпті жұқпалы аурулармен ауырған адамдарды емдейтін бөлімнің меңгерушісі, инфексионист-дәрігер болып қызмет атқарған Толқынай Ордабаева AZATTYQ RYHY сайтында «Бұл жүйе әбден шіріген»: Меркі ауданында жалғыз кәсіби инфексионист дәрігерді басшысы жұмыстан қуып жібеген мақаласы бойынша Меркі ауданы орталық ауруханансының бас дәрігері Жанар Оспанова сұрақтарға жауап берді.
Жанар Мықтыбекқызы, инфекционист-дәрігер Толқынай Ордабаеваны қудалап жүрсіз бе?
— Ордабаева Толқынай Берікқызы, жұқпалы аурулар бөлімінде, бөлім меңгеруші қызметін атқарды. 2021 жылы 3 желтоқсан күні, жұмыс беруші тарапынан бір жақты келісімшарт тоқтатылды. Ауылдық ауруханада өздеріңіз білесіздер маман өте тапшы. Кәсіби мамандар болса біз керісінше қолдап, өсіруге әрекет жасап жатырмыз. Бірақ, жұмыс болған соң кемшіліктер болады. Біздің негізгі міндетімізбен мақсатымыз халықтың денсаулығын қорғау, өмір сүруін жалғастыру. Соған дер кезінде сапалы медициналық көмек көрсету. Кемшіліктер мекеменің ішкі тәртібіне сәйкес клиникалық немесе аудиттік тексерулер бойынша анықталады. Арнайы комиссия және білікті мамандар тексеріп, кемшіліктерді анықтап сол бойынша заң шеңберінде жауапқа тартылады.
Жанар Мықтыбекқызы, Түркістанда не жағдай болды?
— Облыс әкімінің жеке тапсырмасымен қала әкіміне тапсырма беріліп, Рашид Аюповтың өзі қатысып, ұжыммен кездесу жүргізді. Қалалық прокурор, сыбайлас жемқорлыққа қарсы агенттігі, еңбек инспекторы, тексеру комиссиясы келіп тексеру жүргізді. Соңында 1 айға жуық Антикор мен Қаржылық агенттігінің қызметкерлері тексеріп болған келеңсіздіктерді, жала жабу факттерін анықтады. 2015 жылы 300 миллион ақшаның желінгені анықталды, ол үшін бас дәрігер жұмыстан босатылып, бугалтерлер сотталып түрмеге түсті. Мен 2019 жылы сол жерге қызметке тағайындалдым. 2019 жылдың сәуір мен желтоқсан айлары арасындағы барлық қаржылық әрекеттер тексерілген болатын. Құзырлы органдардың шешімдері шықты. 2020 жылы Түркістан облысы әкімінің медициналық сұрақтар бойынша кеңесшісі болып мемлекеттік қызметте жұмыс атқардым. Ол қызметтен соң Түркістан облысы Денсаулық сақтау басқарма басшысының орынбасары қызметіне тағайындалдым. Одан кейін Нұр-Сұлтан қаласында осы деңгейдегі басшылық қызметін атқардым. Нұр-Сұлтаннан тікелей конкурс арқылы Мерке аудандық ауруханасына келдім.
Сіз өз қолыңызды кесесіз бе?
— Мен ойлаймын санасы бар кез-келген басшы болсын, жәй адам болсын, өз қолын өзі кеспейді. Осы ауданда 86 мың халық бар, солардың әрқайсысының денсаулығын қорғау, денсаулығына тиісті қызмет көрсету міндет болып табылады. Барлық ауылдық елді мекендерде медицина саласында маман тапшылықтары көп, сол себепті біз керісінше мамандарды ынталандыру, оларды оқыту талпындыру, жеке тұлға ретінде және кәсіби маман ретінде өсіруге мен келгенлі көп жұмыстар жүргізіліп жатыр. Сол себепті ол өз саласын жақсы білетін, кемшіліксіз маман болғанда біз оны жұмыста қалдыратын едік деп ойлаймын.
Қазір инфекционист бар ма?
— Бізге бүгін бір инфекционист келіп құжатын тапсырды, Қырғызстанда жұмыс істеп келген, тәжірибесі бар. Сол кісіні жұмысқа қабылдадық. Одан бөлек бұрын өзінің жұмысын жақсы атқарған бөлім басшысы қызмет атқарып жатыр.
Мәселе қалай шешілмек?
— Біз ақталмаймыз, заң жүзінде қандай шешім қабылданады соны күтеміз
Сұхбатыңызға рахмет.
