Жамбыл облысы әкімдігінің энергетика және тұрғын үй-коммуналдық шаруашылық басқармасында Қазақстан Республикасы Президентінің 26.12.2014 жылғы «Қазақстан Республикасының 2015-2025 жылдарға арналған сыбайлас жемқорлыққа қарсы стратегиясы туралы» №986 Жарлығын орындау мақсатында басқарма тарапынан «Сыбайлас жемқорлыққа қарсы іс-қимыл туралы 2021 жылға арналған іс-шаралар жоспарын» бекітілген. Жоспарға сәйкес Басқарма қызметкерлерінің облыстық мемлекеттік кірістер департаментіне жыл сайынғы кіріс декларациясын тапсыруды бақылау, Басқармаға қажетті сатып алулар барысында Қазақстан Республикасының мемлекеттік сатып алу туралы заңнамасы талаптарының сақталуын қамтамасыз ету, Басқарманың «Сенім телефонының» жұмыс істеуін және түскен арыз-шағымдарға тиісті мерзімінде орындалуын қамтамасыз ету, жеке және заңды тұлғалардың өтініштерін қарау барысында енгізілген жаңа талаптарын түсіндіру жөніндегі отырыс өткізу, Қазақстан Республикасы «Әкімшілік құқық бұзушылық туралы», «Мемлекеттік қызметі туралы», «Сыбайлас жемқорлаққа қарсы іс-қимыл туралы» заңдарының талаптарын қатаң сақталуын қамтамасыз ету, Басқарма орналасқан ғимараттың ішкі қабырғасына «Сыбайлас жемқорлыққа қарсы күрес туралы» ақпараттық стенд орналастыру және қажетті ақпараттармен жаңартып отыру жұмыстары жүргізіліп, сыбайлас жемқорлық тәуекелдеріне ішкі талдау жұмыстары жүргізілді. Сонымен қатар, Басқарманың атқарған жұмысы туралы ақпарат республикалық, облыстық және қалалық БАҚ беттеріне жарияланып, облыс және қала тұрғындарын ақпараттандыру жұмыстары жүргізілуде.
2021 жылға Басқарма басшысының 27.01.2021 жылғы №13-ө бұйрығымен «Сыбайлас жемқорлыққа қарсы іс-қимыл туралы 2020 жылға арналған іс-шаралар жоспары» бекітіліп, соның негізінде құқықтық оқыту жоспары әзірленіп, тиісті жұмыстар жүргізілуде.
Сонымен қатар, Қазақстан Республикасының сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) Жамбыл облысы бойынша департаментінің 15.03.2021 жылғы №8/1-3-1-1491 хатына сәйкес ағымдағы жылдың 26 мамырына 2019-2020 жылдарға ішкі талдау жүргізіліп, жұмыс тобы тарапынан сыбайлас жемқорлық тәуекелдерін болдырмау мақсатында тұрақты түрде сыбайлас жемқорлық құқық бұзушылықтардың алдын алу жұмыстарын жүргізу ұсынылды.
Есепті кезеңде басқарманың мемлекеттік қызметшілері тарапынан сыбайлас жемқорлық сипаттағы құқық бұзушылық фактілері орын алмаған. Басқармаға ағымдағы жылдың барысында жеке және заңды тұлғалардан барлығы 152 өтініш (жеке тұлғалардан – 126, заңды тұлғалардан – 26) келіп түсті. Барлығы 6 өтініш басқарманың тікелей қатысуымен мәселе өз шешімін тапса, 146 өтінішке қолданыстағы заңнама аясында түсіндірме берілді. Сонымен қатар, басқарма басшысының бекітілген қабылдау кестесіне сәйкес жеке және заңды тұлғалардың өкілдерімен қабылдау тұрақты түрде жүргізіледі. Басқарма басшысының жеке қабылдауына жыл басынан бері 7 азамат (4 азаматтың мәселесі шешілсе, 3 азаматтың өтінішіне түсініктеме берілді) болған.
Басқарманың сенім телефонына және арыз-шағымдарға арналған жәшіктерге өтініштер келіп түспеген. Басқарманың әлеуметтік желідегі (Faсеbook, Instagram) парақшаларына тұрғындар тарапынан келіп түскен 92 сыни пікірлер мен сұрақтарға тиісті жауаптар беріліп, кері байланыс орнатылды.
Материал Жамбыл облысы әкімдігінің ішкі саясат басқармасының тапсырысы бойынша дайындалды
