Жамбыл облысының білім саласында сапаны қамтамасыз ету департаменті Қазақстан Республикасы Білім және ғылым министрлігінің тапсырмасын орындау мақсатында облыстағы мемлекеттік мектептерде балалар қауіпсіздігін қамтамасыз етілуі бойынша мониторинг жүргізілуде. Бүгінде облыстағы мектептердің 100 %-ы қамтылып, бірқатар мәселелер анықталды. Санитарлық-гигиеналық жағдаймен қамтамасыз етілуіне жүргізілген мониторинг қорытындысы бойынша бірқатар мектептерде ішкі әжетханалардың жұмыс істемеуі, су сағатпен ғана берілетіндігі, орнатылған скважиналардың дұрыс жұмыс жасамауы анықталды. Атап айтқанда, Байзақ ауданында 1 мектепте, Жуалы ауданында 5 мектепте, Мойынқұм ауданында 4 мектепте, Шу ауданында 4 мектепте, санитарлық-гигиеналық талаптары төмен екендігі анықталды.
Балабақшаларда ауыз сумен тасымалдау арқылы жүзеге асырылуы бойынша 5 мекеме, олар: Жуалы ауданында 1, Мойынқұм ауданында 4 мекемеде ауыз сумен тасымалдау арқылы қамтылады. 8 мектепке дейінгі білім беру ұйымдарында әжетханалар тек сыртта орнатылғаны анықталды, олар: Жуалы ауданында 4 мекеме, Меркі ауданында 1 мекеме, Талас ауданында 2 мекеме, Т.Рысқұлов ауданында 1 мекеме анықталған.Бүгінгі күні облыс бойынша 9 мектепте құрылыс жұмыстары жүргізілуде. Олар, Тараз қаласында №2, №16, №22 және Шалғай Қарасуда орналасқан орта мектептері, Байзақ ауданында Бурыл және Үлгілі орта мектептері, Қордай ауданында Масаншы, Күнбатыс және Қалғұтты орта мектептері. 4 мектептің құрылысы 1 қыркүйекке дейін аяқталып, қолданысқа беріледі.
«Білім беру қызметімен айналысуға лицензия беру» мемлекеттік көрсетілетін қызметі бойынша ағымдағы жылдың 7 айында 665 өтініш түсіп, 552 өтініш қанағаттандырылды, 113 өтінішке дәлелді бас тартылды. «Білім туралы құжаттарға (түпнұсқалар) апостиль қою» мемлекеттік көрсетілетін қызметі бойынша 205 құжат орындалып, мемлекеттік корпорацияға жолданды, 7 құжат кері қайтарылған. Жамбыл облысының білім саласында сапаны қамтамасыз ету департаменті басшысымен облыстағы білім беру ұйымдары қызметкерлеріне үнемі Қазақстан Республикасы заңнама талаптарына ақпараттық -түсіндіру жұмыстары жүргізіліп тұрады. Сонымен қатар, жеке қабылдауға өтініш білдіріп, білім саласындағы заңнама талаптарына түсіндірме беріліп келеді.
Ұлттық біліктілік тестілеуі Қазақстан Республикасы Білім және ғылым министрінің 2016 жылғы 27 қаңтардағы №83 бұйрығымен және Педагогтерге біліктілік санаттарын беру (растау) ережесіне сәйкес жүзеге асырылады. Департамент мамандары тестке министрлік өкілі ретінде бақылау жүргізді. 2021 жылдың 7 айында Ұлттық біліктілік тестілеуге 6749 педагог қатысып, тестілеу кезінде тыйым салынған заттарды пайдаланған 41 педагог тесттен шығарылған. 2021 жылғы 6 мамаырдан бастап Тараз қаласы және Шу ауданында орналасқан пункттерде мектеп бітірушілерге мемлекеттік грантқа Ұлттық бірыңғай тестілеу өткізілді. Тестілеу барысында тыйым салынған заттарды пайдаланғаны үшін 64 түлек тестілеуден шығарылған. Жамбыл облысының білім саласындағы сапаны қамтамасыз ету департаменті қызметкерлері Қазақстан Республикасы Білім және ғылым министрлігінің тапсырмасымен магистратураға түсуге ниет білдіргендерге арналған тестілеуге байқаушы ретінде қатысты. Тестілеу 21 шілдеде басталып, 887 түсуші қатысып, тыйым салынған заттарды пайдаланғаны үшін 9-ы тестілеуден шығарылған.
Материал Жамбыл облысы әкімдігінің ішкі саясат басқармасының тапсырысы бойынша дайындалды
