Отандық спортшылар ел қоржынына бес бірдей марапат салды.
Негізгі жүлделердің басым бөлігі 88 келі салмақ дәрежесіндегі тартыста келді. Жұлқа көтеруде Әлихан Әскербай 161 келіні еңсеріп, күміс жүлдегер атанса, серпе көтеру сайысында Ерасыл Сәулебеков 199 келіні бағындырып, алтыннан алқа тақты. Осы жаттығуда Әскербай 194 келі көрсеткішімен қола медальді иеленді. Қоссайыс нәтижесі бойынша Сәулебеков (356 келі) екінші орынға табан тіресе, Әскербай (355 келі) үздік үштікті түйіндеді.
Сонымен қатар, 65 келіге дейінгі салмақта бақ сынаған Бейбарыс Ерсейіт те айрықша нәтиже көрсетті. Ол жұлқа көтеруде 131 келі салмақты басынан асырып, жасөспірімдер арасында жаңа әлем рекордын орнатты.
