Сергей Лабодовский шәкірттері бұл жолы Украина құрамасына қарсы ойнап, 0:3 есебімен жеңілді, — деп хабарлайды Қазақстан футбол федерациясының баспасөз қызметі.
Кездесудің алғашқы голы ойынның 44-минутында соғылды. Екінші таймда қарсылас тағы екі мәрте мергендік танытып, матч тағдырын толық шешті. Гол авторлары – Тютюнов (44), Каменский (71) және Богданов (85).
Ойын барысында қазақстандық қорғаушы Қалмұрза 30-минутта қызыл қағаз алып, командасын қиын жағдайға қалдырды. Сондай-ақ екі тараптан да бірнеше ескерту тіркелді.
Матч Румынияның Буфтеа қаласындағы футбол федерациясының орталығында өтті.
Енді Қазақстан U-19 құрамасы элиталық раундтағы соңғы ойынын 31 наурыз күні Солтүстік Ирландия U-19 командасына қарсы өткізеді.
