2021 жылғы 09 маусым күні Тараз қаласы Мамбет батыр көшесі «Ауыл береке» базарында өрт-тактикалық тапсырмаларды шешу бойынша жеке бекітілген кестеге сәйкес өрт-тактикалық оқу-жаттығу ұйымдастырылып өткізілді.
Оқу-жаттығуға Жамбыл облысы ТЖД Өрт сөндіру және авариялық- құтқару жұмыстары қызметінің күштері мен құралдары, Апаттар медицинасы орталығының, қалалық полиция қызметкерлері, жедел медициналық көмек бригадасы, қалалық авариялық бригадалар жұмылдырылды.
Жаттығу ойламасы бойынша Тараз қаласы «Ауыл береке» базарының құрылыс заттар (ағаш) сату орынында электр құралдарының қысқа тұйықталуынан өрт оқиғасы орын алуы бойынша болды.
Біріңғай кезекшілік байланыс қызметінің бағыттаушыларымен №2 жоғарғы шақыруы бойынша шарты өртке Тараз қаласы гарнизонының өртке қарсы қызметінің күштері мен құралдары жіберілді.
Туындаған өрт оқиғасы орнында өрт сөндіру штабының жұмысы ұйымдастырылып, құрылыс заттар (ағаш) сату орындағы өрт ошағына сөндіруге 3 «Б» оқпаны, сонымен қатар көрші ғимараттарды қорғауға 2 «Б» оқпаны және шатыр құрамаларын қорғап суытуға АЛ-32 автосатынын 1 лафеттік оқпаны берілді. Газ түтіннен қорғау қызметінің 2 буыны құрылып, қауіпсіздік бекеттері қойылды.
Шартты өрттің алаңы 60 шаршы метрді құрады. Екі зардап шегушіге медициналық көмек көрсетілді.
Бөлімшелердің алдына қойылған тапсырмалар табысты орындалып, оқу-жаттығу нәтижесі бойынша шартты өрт сөндірілді. Оқу-жаттығу қатысқан барлық күштер мен құралдар сапқа тұрғызылып, Мекеме және базар басшылығымен өткізілген оқу-жаттығу нәтижесі бойынша жетістіктер мен кемшіліктер айтылып ескерілді.
Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы
