Кеңесте «Мемлекет басшысы Қасым-Жомарт Тоқаевтың тапсырмаларын іске асыру» және «құрылыс нысандарында анықталған кемшіліктер» мәселелелері қаралды.
Өткен жылы облыстың бюджеті 103,3 пайызға орындалған. Бұдан бөлек, 2023 жылдың қорытындысымен негізгі капиталға жалпы 517,2 млрд. теңге инвестиция тартылды. Биыл бұл межені 702 млрд. теңгеге жеткізу жоспарлануда. Қаңтар-ақпан айларының қорытындысымен аталған бағыт бойынша Тараз қаласы мен аудан әкімдерінің жұмысына баға берілетін болады.
Жалпы, өндірістен түскен табыспен шектелмей, техникалық жағдайын да қатаң бақылауға алып, еңбек қауіпсіздігі, экология сияқты маңызды мәселелерге де назар аударған дұрыс деді Ербол Шырақпайұлы.
Кеңестегі екінші мәселе бойынша құрылыс нысандарында анықталған кемшіліктер сараланды. Құрылыс және мемлекеттік сәулет-құрылыс бақылау басқармалары тарапынан атқарылып жатқан шаралардың есебі тыңдалды. Бірінші болып құрылыс басқарма басшысының орынбасары Әлібек Аманбай баяндама жасады.
«2023 жылы Жамбыл облысы бойынша 290 нысанның құрылысына 77,1 млрд бөлініп, соның 138-і нысаны биылға өтпелі болды. Жыл сонына дейін 158 нысан тапсыру қажет болды. Алайда 111 тапсырылып, 47 нысан уақытында тапсырылмады. Сала бойынша тоқталып кетсек, білім нысанадры бойынша былтыр 21 нысанның құрылысына 12,3 млрд бөлініп, 11 нысан жоспарға сәйкес тапсырылуы керек болды, алайда 8 нысан тапсырылып, 3-і тапсырылмады. Ол 3 нысандарымыз Тараз қаласында орналасқан 2 мектеп. Арай алқабында 600 орындық және Казарма алқабында 180 орындық және Меркі ауданындағы Қандысай ауылында 150 орындық мектеп болып табылды» деді Әлібек Аманбай.
Ербол Қарашөкеев жауаптыларға құрылыс саласындағы заң бұзушылықтардың алдын алу, кемшіліктерді дер кезінде түзету және өз жұмыстарына салғырт қараған тапсырыс беруші мен мердігерлерді жауапқа тарту, қызыл сызық нормаларын бұзған нысандар бойынша заңға сәйкес шаралар қабылдауға қатысты нақты міндеттер жүктеді.
https://www.youtube.com/live/PPVFtLSUygY?si=KZiGJzAHxzTnGJor
