Кейінгі бірнеше ай уақытта еліміз су тасқынымен арпалысып жатыр. Қиын-қыстау тұста ҚХА ерекше белсенділік танытты.
Еліміздің бірнеше аймағындағы табиғат апаты салдарын еңсеру үшін жүргізіліп жатқан ауқымды жұмыстар басталғаннан бері Қазақстан халқы Ассамблеясы да ортақ істен шет қалмай, белсенді әрі үйлесімді жұмыс істеп жатқаны белгілі. Мұның бәрі өзара жанашыр және тілеулес болудың айқын көрінісі.
Енді облыстық ассамблеяның су тасқыны жұмысына қалай атсалысқанын білгісі келетіндерге ерекше тоқталсақ:
-«Ахыска» Түрік этномәдени бірлестігі тарапынан 4 150 000 теңге сомасына екі фура (600 000 теңгеге) және гуманитарлық көмек (азық-түлік, төсек жабдықтары мен жаялықтар) жиналды. Сондай-ақ, «DATÜB» шотына 5 000 000 теңге аударылды;
— Өңірлік Қазақстан халқы Ассамблеясы төрағасының қоғамдық орынбасары Гулам Умаров 200 000 теңге көлемінде көкөністер алып, көмек берді;
— Жамбыл облысы Қазақстан халқы Ассамблеясының «Ассамблея жастары» республикалық қоғамдық бірлестігі өңір тұрғындарымен бірлесіп азық-түлік, жаңа киім, тұрмыстық керек-жарақтардан тұратын гуманитарлық көмек жинады. Оның құны — 7 860 450 теңге;
— Жамбыл облысының өзбек этномәдени орталығы жоғарыда жазылған Каспий банкінің шотына 50 000 теңге аударды;
— Жамбыл облысы бойынша «Қазақстандық татар және башқұрт конгресі» республикалық қоғамдық бірлестігі 50 000 теңге қаржыға 20 жаңа көрпе тапсырды;
— «Архыз» қарашай-балқар бірлестігі 150 000 теңгеге азық-түлік себеттерін берді;
— Жамбыл облысының гректер қоғамы 400 000 теңгеге азық — түлік, дәрі-дәрмек, гигиеналық құралдар, көрпелер мен киім-кешектер жинап, Ақтөбеге жөнелтті;
— Қазақстан дүнгендерінің республикалық этномәдени орталығы мен «Вынхуа» облыстық дүнген этномәдени бірлестігі бірлесіп 9 миллион 500 теңге көлемінде Ақтөбеге гуманитарлық көмекпен 2 фура жіберді;
- М.Қашқари атындағы Жамбыл облысының ұйғыр этномәдени бірлестігі 1 миллион 500 000 теңгеге азық-түлік ұсынды;
- Жамбыл облысының «Шиват Цион» еврей этномәдени бірлестігі 250 000 теңгеге азық-түлік жиынтығын жіберді;
- «Манас Ата» қырғыз этномәдени бірлестігі 3 миллион теңгеге азық-түлік, жаңа киімдер, тұрмыстық керек-жарақтар жөнелтті;
- Тараз қаласының тұрғындары 1 миллион 213500 теңге көлемінде азық-түлік, гигиеналық құралдар әкелді;
- М.Қашқари атындағы ұйғыр этномәдени бірлестігі жастар қанатының Шу өкілдігі гуманитарлық көмек жинау науқанын ұйымдастырып, 10 миллион теңгеге азық-түлік және тұрмысқа қажетті заттармен қамтамасыз етті;
- Жамбыл облысының «Хазар» Әзербайжан этномәдени бірлестігі 300 000 теңге көлемінде азық-түлік, гигиеналық құралдар жинады;
- Облыстық жастар ресурстық орталығы 650 000 теңге қаржыға макарон, ұн, өсімдік майы, күріш, қант, шай, резеңке етіктер жөнелтті;
- Тәжік этномәдени орталығы Каспий номерге 50 000 теңге аударды;
- «AMANAT» партиясының мүшелері 78 500 теңгеге тұрмыстық химия, азық-түлік, термостар алып берді;
- «Respublica» партиясының мүшелері 98 000 теңгеге көрпе, матрас, ыдыстар жеткізді;
- Ал «Білім саласы қызметкерлерінің кәсіподағының облыстық комитеті» 728 000 теңгеге қайықтар, мотопомпалар, етіктермен қамтыды.
- Жамбыл облысының Өзбек этномәдени орталығы ҚХА республикалық қорының шотына 700 000 теңге аударды.
- «Ақсақалдар кеңесінің» төрағасы А.Сейілхан өз атынан каспий шотына 30 000 теңге аударды.
- А.Тоқпанов атындағы облыстық қазақ драма театры – 130 000 теңге көлемінде қажетті заттарды ұсынды.
Қордай ауданы Дүнген этномәдени бірлестігінің өкілдері – 10 миллион теңгеге көмек көрсетті.
Жалпы, апат болған аймаққа Жамбыл облысынан барлығы 56 688 450 теңгеге көмек көрсетілді. Халық даналығында «Жұмыла көтерген жүк жеңіл» деген сөз бар. Нақты жұмыс, іс-қимыл, қозғалыстағы ұтқырлық, барлық қажетті инфрақұрылымды жылдам орналастыру және қайырымдылық және ерікті ресурстарды шебер жұмылдыру мүмкіндігі – мұның бәрі ҚХА-ға тән қасиет. Қайырымдылық пен Ассамблея – егіз ұғым десек те қателеспейміз. Су тасқыны кезінде зардап шеккендерге көмек көрсетуге мәселен, ҚХА-ның 12 мың еріктісі жұмылдырылды. Осы тұста Жамбыл облысы ҚХА-ның «Ассамблея жастары» РҚБ жастарының зардап шеккен өңірлерге жүкті қабылдауға және жөнелтуге белсенді қатысқан жұмыстары мен еңбегін ерекше атап өткім келеді. Қиын-қыстау уақытта қолынан келгенше қолдау көрсетіп жатқан жандарға алғысымыз шексіз! Жалпы, ассамблея жастары қай жерде қандай игі істер, сол қоғамдық-мәдени, қамқорлық жұмыстардың қасынан табылуы – өнегелі тәрбиенің жемісін көрсетеді. Ата-ана мен мектептен, Достық үйінен алған тәрбие жастарымызды жарқын іс-қимылдарға, ұлағатты тәрбиеге, кемел болашаққа шақыратыны сөзсіз. Осы үш шаңырақтың өнегесін ұштастырып, тәрбиесін көрген жастардың жолдарында кедергі болмайды.
Мақала Жамбыл облысы әкімдігі ішкі саясат басқармасының ақпараттық саясаты тапсырысы негізінде жарияланды
