Ағымдағы жылдың 1 қыркүйегінде «Антикор орталығы» алаңында Жамбыл облысы бойынша Мемлекеттік кірістер Департаментінің кедендік бақылау басқармасының басшысы Талғат Парманов пен бас маманы Бейбіт Оразбаевтың қатысуымен Әзірбайжан мен Грузиядан көліктерді әкелу мәселелері бойынша кезекті азаматтарды қабылдау өтті.
“Қазіргі уақытта Қазақстан азаматтарының Грузия, Абхазия, Оңтүстік Осетия және т.б., ЕАЭО аумағында болу және басқа тұлғаларға беру мерзіміне шектеулер қою бөлігінде міндеттемемен жолаушы кедендік декларациясы бойынша шетелдік тұлғалармен уақытша әкелініп жатыр”, — деп атап өтті кедендік бақылау басқармасының басшысы.
Айта кетейік, өткен жылы өзге елдердің құқық қорғау органдарымен келісу нәтижесі бойынша Қазақстанға әкелінген 35 мыңнан астам автокөлікке банктік және заңдық шектеулер қойылғаны анықталды. Сонымен қатар, әкелу кезінде 600-ден астам автокөлік ЕАЭО-ға мүше мемлекеттердің құқық қорғау органдарына іздеуде болған.
«ҚР — ның кедендік реттеу туралы» Кодексінің 347-бабына сәйкес-шетелдік жеке тұлғалардың Еуразиялық экономикалық одаққа мүше болып табылмайтын мемлекетте тіркелген жеке пайдалануға арналған көлік құралдарын Еуразиялық экономикалық одақтың кедендік аумағына бір жылдан аспайтын мерзімге уақытша әкелуіне жол беріледі.
Кодекстің 347-бабында белгіленгеннен өзге жағдайларда жеке пайдалану үшін уақытша әкелінген көлік құралдарын беру фактілері анықталған жағдайда, оларды еркін айналым мақсатында кедендік декларациялауды жүзеге асырғанға дейін мұндай көлік құралдарын кеден органдары Кодекстің 52-тарауына сәйкес 30 күнге ұстайды.
Облыс тұрғындарымен өткен қабылдауда көліктерді әкелудің тәртібі мен шарттары тиісті кедендік баждарды, салықтарды төлеу шарттары талқыланып, жиынға қатысушылардың әрқайсысының сауалдары қаралып, уақытша әкелінген көліктерді алу, оларды ел аумағында пайдалану тәртібі қарастырылды.
