Жамбыл облысы әкімдігінің баспасөз орталығында «Қызыл сызық» нормаларын бұзып жүргізілген заңсыз құрылыс нысандары туралы брифинг өтті. Брифинг спикерлері ретінде облыс әкімінің орынбасары Еркебұлан Дауылбаев пен Тараз қаласының әкімі Ғалымжан Әбдірайымов қатысты.
Жеке кәсіпкер А.-ның, «Мыңбұлақ» ықшам ауданы, №52 «Б» мекен — жайында орналасқан шағын сауда орталығының жер теліміне жапсарлас орналасқан жалпы көлемі 7.5 соттық территорияны (көгалдандыру, абаттандыру, тротуарға брусчатка төсеу, арықтарын қалыпқа келтіру, талдарды балақтау үшін) жалға алуды сұрап, 06.02.2018 жылы Тараз қаласы әкімінің атына өтініш жазған. Аталған өтініш, 12.02.2018 жылы қалалық жер комиссиясы отырысында қаралып, «Жер телімін жалға алу үшін» (яғни, абаттандыру мен көгалдандыруға болады деп) қорытынды ұсынылған. Комиссия қорытындысына комиссия төрағасының орынбасарлары қалалық жер қатынастары бөлімінің басшысы Б.Сүгірбеков, қалалық сәулет және қала құрылысы бөлімінің басшысының м.а А.Молдабаев және мүшелері Тараз қалалық қоғамдық денсаулық сақтау басқармасының басшысы Н.Сәбденалиева, қалалық мәслихат депутаты С.Мырзалиев, Жамбыл облысының кәсіпкерлік палатасы директорының орынбасары Қ.Сыдықов қол қоя отырып, Тараз қаласы әкімінің орынбасары, қалалық жер комиссия отырысының төрағасы Ж.Өмірзақовпен бекітілген.
— «Осы орайда, аталған обьектіге рұқсат беруде заңнама талаптары сақталмаған, яғни, қызыл сызық белдеуі ескерілмеген болып отыр (20 метр). 2018 жылы 4 сәуірдегі әкімдік қаулысымен жеке кәсіпкер А.-ға жоғарыда сұралған жерге (жалпы көлемі 7.5 соттық) уақытша өтеулі жер пайдалану құқығы 3 жыл мерзімге берілген. Тараз қаласы әкімімен, аталған әкімдік қаулысын және жер телімін жалға алу туралы жасалған келісім-шартын бұзу және жер телімін қайтару туралы Тараз қалалық сотына талап-арыз берілген. Сот ұйғарымымен 26.06.2018 жылы бұл талап-арызға қатысты алдын-ала тыңдау тағайындалған. Осы мәселелерге байланысты заң бұзушылықтарға жол берген қала әкімінің орынбасары Ж.Өмірзақов, жер қатынастары бөлімінің басшысы Б.Сүгірбеков, сәулет және қала құрылысы бөлімінің басшысының орынбасары А.Молдабаев бүгінгі таңда атқарып отырған қызметтерінен босату мәселесі қаралуда» — деп мәлімдеді Тараз қаласының әкімі Ғалымжан Райылұлы.
Айта кетерлігі, қала әкімдігі жер қатынастары бөлімінің басшысы Бақытжан Сүгірбеков басқа жұмысқа ауысуда, қала әкімінің орынбасары Жандос Өмірзақов пен қала әкімдігі сәулет және қала құрылысы бөлімінің басшысының м.а Айдар Молдабаев денсаулығына байланысты емделуде деген ақпарат келді.
TURANINFO.KZ
