Бүгін Жамбыл облысы әкімдігінің баспасөз орталығында Тараз қаласының келбетін жаңғырту, қала көшелерінің жол белгілері мен бағдаршамдарды, көлік қозғалысын оңтайландыру бағытындағы жұмыстары туралы қала әкімі Ғалымжан Әбдірайымовтың қатысуымен брифинг өтті деп хабарлайды «TURANINFO.KZ» ақпараттық агенттігі.
— «Қалада бей – берекет, «қызыл сызықта салынған» кәсіпкерлік нысандары мен ретсіз сыртқы жарнамаларды алып тастау жөнінде жұмыстар қарқынды жүргізілуде. «Ақбұлақ», «Қаратау», «Самал», мөлтек аудандарындағы «Қайкармет», «Жібек жолы» базарларының жұмысын ретке келтіру жөнінде рейдтік жұмыстар жүргізіліп, еш рұқсатсыз салынып кеткен көлік жуу орны мен қымызханалар, сауда дүңгіршектері тексеріліп, тиісті шаралар қолдануда. Комиссия осындай 97 кәсіпкерлік нысандарын анықтап, бүгінгі күнге 59 павильон иелеріне ескерту хаты жіберіліп, 29 дүңгіршек алынып тасталды. Бұд жұмыстар әрі қарай да жалғасын таппақ.
Ғалымжан Райылұлының бұқаралық ақпарат құралдарының жолдаған сауалдары мен оған берілген жауапты төмендегі видеодан көре аласыздар.
https://www.facebook.com/islambek.dastan/videos/1683850858330784/
