Жасанды интеллект және цифрлық даму министрі Жаслан Мадиевтің түсіндіруінше, бұл норма абоненттік құрылғыларды тіркеу рәсімін верификация арқылы жетілдіруді және биометриялық аутентификация талаптарын Цифрлық кодекске сәйкестендіруді көздейді.
Жаңа шектеулер тек жақын туыстарға ғана қолданылмайды, ал басқа жағдайларда құрылғы мен нөмірдің жеке басы расталған иесінде болуы міндеттеледі. Бұл өзгерістердің басты мақсаты — елге заңсыз жолмен әкелінген «көлеңкелі» құрылғылардың айналымын азайту және IMEI-кодтарды алмастыру арқылы жасалатын түрлі алаяқтық схемалардың жолын кесу.
Осылайша, ұялы байланыс құрылғыларын пайдалануды қатаң верификациялау арқылы мемлекет киберқылмыс қаупін төмендетіп, азаматтардың дербес деректері мен қаржылық қауіпсіздігін қорғаудың жаңа деңгейін қалыптастырмақ.
