Нұрымбай Сүлейменұлы – табиғи талантымен халқының ыстық ықыласына бөленген, өскен ортасының рухани дәстүрін жалғаған дарынды өнер иесі еді. «Қайран әке», «Қарт толғауы», «Дала сыры», «Атамекен», «Ілем менің» секілді 60-тан астам күй мен 20-ға жуық ән шығарып, өнерсүйер қауымның жүрегінен берік орын алды.
Нұрымбай Сүлейменұлының жарқын бейнесі мен шығармашылық мұрасы туған халқының жадында мәңгі сақталады деп сенеміз.
Марқұмның отбасына, туған-туыстарына қайғырып көңіл айтамыз. Жаны жәннаттан жай тауып, жатқан жері жарық, топырағы торқа болсын!
Мәдениет және ақпарат министрлігі
