Қасым-Жомарт Тоқаев Өңірлерді дамыту бойынша қабылданып жатқан шаралар туралы есепті тыңдады. Мемлекет басшысының тапсырмаларын орындау мақсатында өңірлік саясат жөніндегі жобалық кеңсе құрылды.
Қанат Бозымбаев өңірлік стандарттар жүйесін енгізу туралы баяндады, бұл өңірлер арасындағы және өңірлер ішіндегі инфрақұрылымға қол жеткізудегі диспропорцияларды төмендетуге, елді мекендерді дамытуды тиімді жоспарлауға мүмкіндік береді.
Қасым-Жомарт Тоқаев энергетикалық және коммуналдық секторларды жаңғырту жөніндегі ұлттық жобаның іске асырылу барысы туралы хабардар етілді, оның шеңберінде 86 мың км коммуналдық желілерді салу және жаңғырту, сондай-ақ жалпы қуаты 7,3 ГВт қосымша генерациялау көздерін енгізу көзделген. Бұл ретте ТКШ және энергетика салаларында отандық өндірушілердің әлеуеті барынша тартылатын болады.
Сондай-ақ Мемлекет басшысына халықты сапалы және үздіксіз сумен жабдықтау және су бұрумен қамтамасыз ету үшін коммуналдық жүйелерді басқаруды жақсарту мәселелері бойынша трансұлттық компаниялармен келіссөздер туралы айтылды.
