Мал шаруашылығы саласында ветеринариялық бақылау шараларын іске асыру шеңберінде Премьер-министр Ауыл шаруашылығы жануарларын, оның ішінде жеке қосалқы шаруашылықтар сегментінде вакцинациялаумен толық қамтуды қамтамасыз етуді тапсырды.
«Сапалы әрі қолжетімді ветеринариялық құралдар барлық өңірде жеткілікті көлемде болуы тиіс. Ол үшін ең алдымен, отандық өндірушілерді ынталандыру қажет. Құралдарды жеткізу кезінде белгіленген мерзімдерді бұзуға және кешіктіруге болмайды», — деп атап өтті Олжас Бектенов.
Ауыл шаруашылығы министрлігінің алдына өңір әкімдіктерімен бірлесіп 1 қарашаға дейін ауыл шаруашылығы жануарларының дерекқорын тексеру міндеті қойылды.
Ауыл шаруашылығы, Цифрлық даму, инновациялар және аэроғарыш өнеркәсібі министрліктеріне жыл соңына дейін жануарлар мен мал шаруашылығы өнімдерінің қозғалысына байланысты барлық процестерді жүз пайыз цифрландыру тапсырылды.
«Тікелей бақылау жүйесін енгізу және барлық дерекқорлардың (ескертпе — жануарлардың сәйкестігін анықтау, мал және мал шаруашылығы өнімдерінің қозғалысы бойынша) бірыңғай цифрлық платформаға интеграциясын қамтамасыз ету қажет»,— деп тапсырды Премьер-министр.
@KZgovernment
