Жазаны өтеудің белгіленген тәртібін бұзғаны үшін жазаланды

Сотта анықталғаны:

Алматы қаласының ауданаралық мамандандырылған қылмыстық істер бойынша сотының үкімімен 17 жылға бас бостандығынан айырылып, Тараз қаласындағы «№58 мекемеде» жазасын өтеп жатқан сотталушы Е. тәртіптік изолятордың ішінде қабырғаға орнатылған бейнекамераны жұлып алып, жерге ұрып сындырып, қасақана жойып, «№58 мекемеге» 25 625 теңге көлемінде материалдық залал келтірген.

Тараптардың позициясы:

Сотталушы Е. өз кінәсін толық мойындады.

Жәбірленушінің өкілі К. сотталушы келтірген залалды азаматтық талап тәртібінде өндіруді сұрап, жаза тағайындайды соттың қарауына қалдырды.

Мемлекеттік айыптаушы сотталушының жаза өтеп жатқанына байланысты ҚК-тің 60-бабының 1-бөлігінің талаптарына сай оның жазасының өтелмеген бөлігін ішінара қосу арқылы оған түпкілікті 10 жылға бас бостандығынан айыру жазасын тағайындауды сұрады.

Сот шешімі:

ҚК-тің 428-1— бабының 1-бөлігіне сәйкес, жазаны өтеудің белгіленген тәртібін, ұстау режимін бұзу мақсатында қылмыстық-атқару (пенитенциярлық) жүйесі мекемелерінде, тергеу изоляторларында, уақытша ұстау изоляторларындабейнебақылау жүйесін, сол сияқты оның компоненттерін қасақана жою немесе бүлдіру – екі жылға дейінгі мерзімге бас бостандығынан айыруға жазаланады.

Сот жаза тағайындау кезінде қылмыстық жауапкершілік пен жазаны жеңілдететін мән-жайлар ретінде оның кінәні мойындауы мен шын жүректен өкінуін таныды. Ауырлататын мән-жайлар сотпен анықталған жоқ.

Сотталушы Е. бұрын Алматы қаласының қылмыстық істер жөніндегі мамандандырылған ауданаралық сотының 19 қазан 2017 жылғы үкімімен ҚК-тің 192-бабының 3-бөлігі 2)-тармағы, 99-бабының 2-бөлгі 8)-тармағы бойынша кінәлі деп танылып, ҚК-тің 58-бабының 4-бөлігінің талаптарына сай жазаларды ішінара қосу арқылы оған түпкілікті 17 жылға бас бостандығынан айыру жазасы тағайындалған.

Сондықтан сот ҚК-тің 60-бабының 1-бөлігіне сай, осы үкім бойынша тағайындалған жазағабұрынғы үкімім бойынша тағайындалған жазаның өтелмеген бөлігін ішінара қосу арқылы оған 9(тоғыз) жыл 10 (он) ай мерзімге бас бостандығынан айыру жазасын тағайындады.