Жамбыл облысында мәдениет саласын дамыту бағытында 16 нысанның құрылысы жоспарланған, 5 мәдениет нысаны, 1 — мұражай пайдалануға берілді. Жыл соңына дейін тағы 3 мәдениет нысанын іске қосу жоспарлануда. Өңір әкімі Ербол Қарашөкеев ОКҚ алаңындағы есептік кездесуінде хабарлағандай, бұдан бөлек, 17 мәдениет нысаны жөндеуден өтті. Нәтижесінде, жыл қорытындысы бойынша халықтың мәдени инфрақұрылыммен қамтамасыз етілу деңгейі 84,8%-ға жетеді. Ағымдағы жылы мемлекеттік шығармашылық тапсырыспен 1,3 млрд теңгеге 224 үйірмеде 9,1 мың бала қамтылды.
«Әдебиет пен өнерді қолдау және таланттарды анықтау мақсатында поэзия, проза, драматургия, сатира, балалар әдебиеті саласында «Асқақ рухты Әулиеата» республикалық әдеби конкурсын ағымдағы жылдың 7 желтоқсанында өткізу жоспарлануда. 2025 жылды кітап оқу жылы деп жариялаймыз. «Тараз — кітап оқитын қала», «Тараз – город чтения книг» жобасын бастаймыз», — деді спикер.
Орталық коммуникациялар қызметі
