2021 жылдан бастап елді мекендерде 12 млн-нан астам ағаш отырғызылды. Арал теңізінің құрғаған ұлтанының аумағында орман мелиорация бойынша кең көлемді жұмыстар жүргізілді, 1,1 га жерге жұмыстар жүргізу жоспарланған.Бұл туралы ОКҚ алаңында өткен баспасөз конференциясында ҚР ЭТРМ Орман шаруашылығы және жануарлар дүниесі комитетінің төрағасы Данияр Тұрғамбаев хабарлады.
2021 жылдан қазіргі уақытқа дейін 413 мың га алаңда орман мелиорациясы жұмыстары атқарылды. 33 га алаңда жылына 3 млн екпе көшет шығаратын орман тәлімбағын салу аяқталды сонымен қатар Арал теңізінің құрғаған табанында тәлімбақ салу жоспарлануда, «Арал орманы» мемлекеттік орман табиғат резерваты құру мәселесі пысықталып жатыр, — деді спикер.
Сондай-ақ «Таза Қазақстан»: акция аясында 796 тоннадан астам қоқыс жиналды.
«Акцияға 35 мыңнан астам адам қатысып, 796 тоннадан астам қоқыс жиналды және 326 мың жасыл көшет отырғызылды. Бұл шаралар жалғасын табады», — деді спикер ОКҚ алаңында өткен баспасөз конференциясында.
Орталық коммуникациялар қызметі
