Онда су тасқынының салдарымен және инфрақұрылымның жай-күйімен танысты. Депутат су тасқыны салдарын дереу жою және қалпына келтіру жұмыстарын қадағалау қажеттігін атап өтті.
Сенатор «Жаңатас Су-жылу» орталық қазандығы алаңында да болды. Ол мұнда оқу жылы басталғанға дейін Д.Қонаев атындағы орта мектепті жөндеуді аяқтаудың және зардап шеккен тұрғындарға қажетті көмек көрсетудің маңыздылығын атап өтті.
Сенатор сонымен қатар Жаңатас-Саудакент жолының 152 шақырымындағы бұзылған жерлерін жөндеу жұмысымен танысты. Мұнда нөсер жаңбыр жолдан асып кетіп, құбырлар мен жол жиектеріне зақым келтірген болатын. Жол учаскесі қазіргі уақытта қозғалысқа ашылды, жөндеу жұмыстары жалғасуда.
Тараз-Жаңатас темір жолының 171 шақырымында да су тасқыны орын алды. Бірақ жол жедел қалпына келтіріліп, пойыздардың қозғалысы кестеге сай жалғасты.
Сенаттың баспасөз қызметі
