Сотталушы Б техникалық ақауы жоқ «Тойота Альфард» маркалы автокөлігін, Шымкент қаласы жақтан Тараз қаласы бағытына қарай басқарып бара жатып, Қазақстан Республикасының Жол жүрісі қағидасының талаптарын өрескел бұзып, бір бағытта алдында жүріп бара жатқан «Камаз Kosbohrer» жүк көлігінің тіркеуінің артқы сол жақ бұрышына қашықтық сақтамай соқтығысқан. Жол көлік оқиға салдарынан «Тойота Альфард» маркалы автокөліктің екі жолаушысы оқиға орнында қайтыс болған.
Тараптардың позициясы:
Прокурор сотталушы Б.-ға көлік құралдарын баскару құқығынан 7 жыл мерзімге айыра отырып, 5 жылға бас бостандығынан айыру жазасын тағайындауды сұрады. Сотталушы Б. кінәсін толық мойындады.
Дәлелдемелер бойынша:
Кінә іс бойынша жиналған дәлелдемелермен: жәбірленушінің, куәгерлер мен мамандардың айғақтарымен, мамандар мен сарапшылардың қорытындыларымен, криминалистикалық зерттеу қорытындыларымен және басқа да заттай дәлелдемелермен дәлелденді.
Сот шешімі:
Сот қылмыстық жауаптылық пен жазаны жеңілдететін мән-жайларға сот оның тұрғылықты жерінен берілген жағымды мінездемелерін, кінәсін толық мойындап шын ниетпен өкінуін, асырауында жасы кәмелетке толмаған жеті балаларының барлығын, бір баласының мүгедек екендігін, бұрын сотты, болмағанын жатқызған. Ауырлататын мән-жайлар сотпен анықталған жоқ.
Сот үкімімен Б. ҚК-нің 345 бабының 4 бөлігімен кінәлі деп танылып, қылмыстық-атқару жүйесінің қауіпсіздігі барынша төмен мекемесінде жазасын өтей отырып, 5 жыл мерзімге бас бостандығынан айыру және 7 жыл мерзімге көлік құралдарын басқару құқығынан айыру жазасы тағайындалды.
Үкім заңды күшіне енген жок.
Қайнар:Жамбыл облысының қылмыстық істер жөніндегі мамандандырылған ауданаралық сотының баспасөз қызметі.
