Сауда комитеті төрайымы орынбасары Айгүл Епбаева сауда базарларын жаңғырту барысымен танысу үшін Алматыға барды.
Алматы қаласының сауда және тұтынушылардың құқықтарын қорғау департаментінің басшысы, сондай-ақ қала әкімдігінің кәсіпкерлік және инвестициялар басқармасы басшысының орынбасары, сауда комитеті төрағасының орынбасары бастаған жұмыс тобы «Азия», «Тұлпар», «Таусамалы», «Арыстан», «Үшқоңыр», «Кенжехан-1,2», «Береке», «Жібек Жолы», «Саудакент», «Батыр» сауда базарларына барды. Бұл базарлар жаңғыртылуға жатады және 2025 жылға дейін жаңғырту жөніндегі жол картасына енгізілген.
Сапар барысында жұмыс тобы базарлардағы құрылыс жұмыстарының барысымен танысты. Сондай-ақ жаңғырту жүргізу үшін қажетті құжаттарды алу мәселелері талқыланды. Мәселен, «Кенжехан-2» және «Үш қоңыр» сауда базарлары бойынша сәулет-жоспарлау тапсырмалары алынып, эскиздік жобалар келісілген.
Жұмыс тобының өкілдері сондай-ақ «Арлан» және «Сары-Арқа» базарларына барды, оларды сауда базарларына қойылатын талаптарға сәйкестендіру қажет. Осыған байланысты аталған базарлар жаңғырту жөніндегі жол картасына енгізу туралы шешім қабылданды.
Сауда комитеті аумақтық сауда және тұтынушылардың құқықтарын қорғау департаменттерімен және әкімдік өкілдерімен бірлесіп сауда базарларының жұмыс сапары тұрақты негізде жүзеге асырылады. Сауда қызметін реттеу саласындағы заңнама талаптарын сақтау қажеттілігі туралы базарлар әкімшілігімен түсіндіру жұмыстарын жүргізеді.
