Қордай ауданының прокурорлары аудан әкімдігінің 2023 жылға арналған шығыстарды бюджеттік жоспарлау қызметіне талдау жасады. Жұмыс барысында Халыққа қызмет көрсету орталығына әкімшілік ғимарат сатып алуға 630 миллион теңге негізсіз салынғаны белгілі болды.
Аталған ғимаратты тексеру кезінде оның мұндай бағаға сай келмейтіне анықталды. Бұдан бөлек аудандағы осыған ұқсас өзге ғимараттармен салыстырғанда бөлінген қаражаттың негізсіз екені бірден байқалды.
Жұмыс нәтижесі бойынша бақылау актісінің негізінде бөлінген 630 миллион теңге 440 миллионға дейін қысқарды. Қазіргі уақытта ғимарат осы сомаға сатып алынған.
Осылайша прокуратура 190 миллион теңге шығынның алдын алды.
