Облыстық балалар «Аяла» оңалту орталығында көз аурулары бар балалар ем қабылдайды. Жалпы, соңғы жылдары балалардың арасында көз ауруы жиі тіркеледі. Олардың ішінде көп кездесетін түрлері: ақи (косоглазие) және миопия. Бұл көру қабілетін төмендететін, сонымен қатар, эстетикалық әсері бар, күрделі ауру. Дертті тек заманауи медициналық құралдарды қолдану арқылы кешенді емдеуге болады. Дер кезінде анықтап, емдеуді уақытында бастаса баланың толыққанды көруіне мүмкіндік болады.
Орталықта “Синоптофор” және “Амблиокор” құралдары көмегімен жоғарғы санатты балалар офтальмолыгы Сейтқасымов Асхат қабылдайды. Балаларға бүгінде танымал Дашевский, Аветисов әдістері, мускултренерді қолдану, диплоптика және бірізді бейнелер әдісімен жаттығулар арқылы ем жүргізіледі. Аппараттармен емделетін көз аурулары — миопия H 52.1, гиперметропия H 52,0, қиылысқан қисық көздік H50.1, шағылысқан қисық көздік H50.0, астигматизм H 52.2, H52.5.
Бүгінгі таңда облыс бойынша 316 бала ем қабылдады. Жергілікті емханың жолдамасымен көз ауруы бар балалар « Аяла» орталығында емделе алады.
