Кәмелетке толмағандар арасындағы құқық бұзушылықтар мен қылмыстардың алдын алу мақсатында 2-3 наурыз аралығында Тараз қаласы Полиция басқармасының Жергілікті полиция қызметі басқармасының ювеналдық полиция бөлімінің және облыстың қалалық, аудандық полиция бөлімдерінің мобильді топтары көңіл көтеру орындарын: кафе-барларды, бильярд, компьютер клубтарын және басқа да қоғамдық демалыс орындарын тексерді. Екі күн ішінде 85 әкімшілік құқық бұзушылық анықталды. Оның ішінде ҚР ӘҚБтК 442-бабының 2-бөлігі бойынша (кәмелетке толмағандардың заңды өкілдерінің еріп жүруінсіз түнгі уақытта тұрғынжайдан тыс жерде болуы) – 51. Олар облыс орталығында, сондай — ақ Жамбыл, Қордай, Меркі және Шу аудандарында тіркелген.
Рейдтік іс-шаралар барысында мас күйіндегі кәмелетке толмаған ұсталды, сондай-ақ Тараз қаласының дүкендерінің бірінде алкоголь өнімдерін сату бойынша ҚР заңнамасының талаптарын бұзу фактісі анықталып, әкімшілік хаттама толтырылды.
Аталған бағыттағы жұмыстар жалғасуда.
