Жамбыл облысы әкімдігінің дін істері басқармасының тарапынан тұрғындардың дінтану және құқықтық сауаттылығын арттыру, діни экстремизм мен терроризмнің алдын алу жұмыстары «Қазақстан Республикасында діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламасы» аясында жүзеге асырылып келеді. Бағдарлама бекітілгелі бері:
— 2018 жылдан бері өңірдегі діни топтар мен жамағаттар арасында радикалды діни идеологиялардың алдын алу бағытында 1000-нан астам іс-шара өткізілді. Оның ішінде, 2021 жылы діни топтар мен жамағаттар арасында 202 іс-шара өтіп, оған 10 мыңға жуық адам қамтылды;
— Соңғы 4 жылда жастар мен жасөспірімдер арасында діннің өзекті тақырыптарын түсіндіру бойынша 1287 іс-шара өтіп, 73 мыңнан астам жас ақпаратандыру шараларымен қамтылды. Оның арасында биылға, жастар мен жасөспірімдер арасында 209 іс-шара өтіп, 7 мыңға жуық жас ақпаратандыру шараларымен қамтылды;
— 2018 жылдан бері діни экстремизмге қарсы 111 бейнеролик түсіріліп, әлеуметтік желілерге таратылды. Дін проблемаларын зерттеу орталығының жанынан арнайы «Студия» әзірленіп, студия арқылы облыс тұрғындарының діни сауаттылық деңгейін көтеру мақсатында «Әулие-Ата» діни танымдық бағдарламасы ашылып, 14 шығарылымы түсірілді;
— Соңғы 4 жылда интернет желілерінде 8000-ға жуық күдікті діни бағыттағы сілтеме анықталып, оның 4490-ы бұғатталды. Интернет желілерінде 18 мыңнан астам қарсы насихат жұмыстары жүргізілді;
— Теріс діни бағыттағы ағымдардан зардап шеккен азаматтарға көмек көрсету мақсатында республикалық «Ақниет» орталығының 2 штаттан тұратын облыстағы филиалы ашылып, Дін проблемаларын зерттеу орталығынан 6 штаттан тұратын (1 бөлім басшысы, 3 инспектор, 2 психолог) «Оңалту бөлімі» жасақталды;
— Діни ахуал шиеленістерінің ықтимал тәуекелдерінің деңгейі басым өңір болып табылатын Қордай және Шу аудандарында дін саласындағы жұмыстарды күшейту мақсатында Дін проблемаларын зерттеу орталығының арнайы бөлімдері ашылды;
— 2018 жылдан бері қылмыстық-атқару жүйесі мекемелерінде ақпараттандыру жұмысымен сотталушылар толығымен қамтылды.
Бұдан бөлек, ҚМДБ-ның облыстағы өкілдігімен бірлесе рухани құндылықтар мен қоғамдық қатынастарды нығайту бағытында өткен жылдан бері бірқатар нәтижелі жұмыстар атқарылды. Оның шінде:
— Мешіт имамдарымен «Жеті Рухани қазық» тұғырнамасы барлық аудандар мен Тараз қаласы тұрғындары арасында насихатталып, 679 мыңнан астам тұрғын қамтылды;
— Мешіт имамдарының уағыз-насихат жүргізу бағдарламасына ұлттық салт-санаға негізделген тәрбиелік және патриоттық бағыттағы тақырыптар, Абай мен Шәкәрім сияқты ұлт тұлғаларының ой-толғаулары енгізілді. Бүгінде мешіт имамдары тарапынан осы бағытта насихат жұмыстары атқарылуда;
— ҚР Ақпарат және қоғамдық даму министрлігінің тапсырысымен дін саласындағы мамандардың кәсіби құзіреттілігін арттыру мақсатында өткен оқыту курстарына облыстағы 46 мешіт имамы қатыстырылып, біліктіліктері арттырылды;
— 2021 жылдың 3 маусым күні М.Х.Дулати атындағы Тараз өңірлік университетінде Тараз өңірінде болған «Атлах» шайқасына 1270 жыл толуына орай «Қазақ даласына исламның келуі» атты халықаралық ғылыми-танымдық конференция ұйымдастырылды. Конференцияға Орта Азия мен еліміздегі ғалымдар, зиялы қауым өкілдері және дін басылары қатысып, дәрістер оқыды;
— Ұлттық салт-дәстүрдің түрлі мәселелері бойынша қыз-келіншектерге имандылық төңірегінде бағыт-бағдар беру мақсатында облыстық, қала және аудандық мешіттер жанынан «Әжелер алқасы» құрылып (құрамында 109 адам), өз қызметін бастады;
— Қордай ауданында ұлтаралық татулық пен бірлікті нығайту, діни алауыздықты болдыртпау және жат ағымдарға қарсы жұмыс жасау мақсатында Сортөбе ауылынан «Имамдар үйі» ашылып, қызметін бір жолға қойды.
Материал Жамбыл облысы әкімдігінің ішкі саясат басқармасының тапсырысы бойынша дайындалды
