Байзақ ауданы бойынша мемлекеттік бағдарламалар аясында несиелендіру жұмыстары атқарылуда. Бүгінгі күнге жалпы ауыл шаруашылығы бағытында 773,9 млн. теңгеге 109 шаруашылық несиелендірілді. 2021 жылы көктемгі дала жұмыстары үшін жалпы 46 млн. теңгені құрайтын 10 шаруа қожалық несиелендірілді. Бұл 2020 жылмен салыстырғанда 136,1 % артық.2021 жылдың қаңтар-маусым айларында бөлшек сауда айналымының көлемі 6734,7 млн. теңгені немесе 2020 жылдың тиісті кезеңіне салыстырғанда 124,3% құраса, көтерме сауда айналымы 2277,0 млн. теңгені құрап НКИ 2 есеге өскен.Ауыл шаруашылығы өнімінің көлемі 3,5%-ға өсіп отыр. Ауыл шаруашылығының жалпы өнім көлемі 2021 жылдың қаңтар-маусымында 9520,0 млн. теңгені немесе 2020 жылдың тиісті кезеңіне 103,5%-ды құрады, оның ішінде өсімдік шаруашылығы өнімінің көлемі – 214,9 млн. теңге , мал шаруашылығы – 9295,7 млн. теңгені құраған. Ағымдағы жылы аудандағы шаруашылықтардың ауыл шаруашылығы мақсатындағы жалпы егістік жердің көлемі 59551 гектарды құрайды, оның 30230 га суармалы, 29322 га тәлім. МІҚ мал саны өткен жылмен салыстырғанда 7,5%-ға өсіп, 52,4 мың басты құрады, қой – 11,1%-ға, жылқы – 12,2%-ға, түйе 3,6%-ға, шошқа 2,0%-ға, құс 17,9%-ға артқан.
Ауданда маман тапшылығы мәлелесін шешуге бағытталған «Дипломмен — ауылға!» жобасы қолданыста. Жоба аясында ауданға жұмыс істеуге және тұруға келген мамандарға тұрғын үй сатып алуға несие беру шарасымен 2010 жылдан бері 101 маман қамтылып, осы бағытта 322 793,0 мың теңге жұмсалды. Оның ішінде 46 денсаулық сақтау, 46 білім беру саласы, 6 спорт, 2 мәдениет және 1 әлеуметтік қамсыздандыру мамандары және 199 маманға 32 884,2 мың теңге көтерме жәрдемақы берілді. Оның ішінде 87 денсаулық сақтау, 94 білім беру саласы, 9 спорт, 5 мәдениет, 1 әлеуметтік қамсыздандыру және 3 агроөнеркәсіптік кешен саласындағы мамандар.Ағымдағы 2021 жылға республикалық бюджеттен 16 маманға 70 008,0 мың теңге тұрғын үй сатып алуға несие және аудандық бюджеттен 20 маманға 5 834,0 мың теңге көтерме жәрдемақы қарастырылды. Бүгінгі күнге 8 маман 35 004,0 мың теңге тұрғын үй сатып алуға несие, оның ішінде 4 денсаулық сақтау, 4 білім беру саласының мамандары және 10 маман 2 917,0 мың теңге көтерме жәрдемақы берілген. Оның ішінде 5 денсаулық сақтау саласы, 4 білім беру саласы, 1 мәдениет саласының мамандары бар. 2021 жылдың бірінші жартыжылдығында құрылыс жұмыстарының көлемі 4,3 млрд. теңгені құрап, 2020 жылдың тиісті деңгейіне 100,2%-ға артты. Ағымдағы жылы аудан бойынша 23 нысанның құрылысы жүргізілуде, оның ішінде 3 полиция пункті, 1 дене шынықтыру-сауықтыру кешенінің, 6 білім беру нысанының, 3 инженерлік-коммуникациялық инфрақұрылым, 7 ауылды сумен жабдықтау, 21 елді мекенді газдандыруға, 2 коммерциялық құрылымдарды электрмен жабдықтау құрылыстары бар. Пайдалануға енгізілген тұрғын үйлердің жалпы көлемі 13,3 мың шаршы метр болып, 2020 жылдың тиісті деңгейіне 115,2%-ды құрады. Ауданда жеке тұрғын үй құрылысын жүргізуге жер телімдерін алуға 11 674 азамат жер кезегіне тіркелген. «Ауыл — ел бесігі» мемлекеттік бағдарламасымен бөлінген 1,7 млрд. теңгенің есебінен 1 жаңа әлеуметтік нысан салынуда, 2 нысан күрделі жөнделуде, 5 нысан қайта жаңғырту, 2 нысанға жанама құрылыс, 11 ауыл іші жолдары орташа жөнделуде және 300-ге жуық адамды жұмыспен қамту жоспарлануда.
Материал Жамбыл облысы әкімдігінің ішкі саясат басқармасының тапсырысы бойынша дайындалды
