Жамбыл облысы Шу ауданында орналасқан шаруа қожалықтарының бірінде жұмыс істеп жүрген А.Б., аса ірі көлемде есірткі заттардың заңсыз айналымымен айналысуға қылмыстық ойы туындаған. Содан кейін атқа мініп, шаруа қожалығының жанында жабайы өсетін қарасора өсімдігі өсетін учаскеге барып, орақ қолдану арқылы қарасораны жинап алған. Содан кейін ешкім тауып алмауы үшін, атпен басқа жерге кептіру үшін апарған. Оларды аса ірі көлемде заңсыз сақтап, шаруа қожалығынан 1 шақырым жердегі сай ішіне жинаған.
«Қарасора-2023» шұғыл іс-шараларын жүргізу барысында аталған учаскеде Жамбыл облысы полиция Департаментінің есірткі қылмыстарына қарсы іс-қимыл бойынша өңіраралық бөлімнің қызметкерлерімен А.Б. қылмыс үстінде ұсталған.
Қарап-тексеру барысында 189 940,0 грамм кептірілмеген «сора өсімдігі» есірткі заты және орақ анықталып, алынған.
Тараптардың позициясы:
Прокурор сотталушы А.Б.-ға 11 жыл 6 айға бас бостандығынан айыру түріндегі жаза тағайындауды сұрады.
Сот отырысында сотталушы А.Б. өзіне тағылған айыпты ішінара мойындап, есірткі заттарын өткізу мақсатында емес, жеке тұтыну үшін жинағын жеткізді.
Дәлелдемелер бойынша:
Кінә іс бойынша жиналған дәлелдемелермен: сотталушының және куәлердің жауаптарымен, тергеп-тексеру амалдары жүргізілу барысында толтырылған процессуалдық құжаттармен, сараптамалардың қорытындыларымен, сондай-ақ қылмыстық істің өзге де материалдарымен дәлелденді.
Сот шешімі:
Сот қылмыстық жауапкершілігі мен жазасын жеңілдететін мән-жайларға, А.Б..-ның оның шын жүректен өкінуін және кәмелетке толмаған балаларының болуын табады. Қылмыстық жауапкершілігі мен жазасын ауырлататын мән-жай сотпен анықталмады.
Сот үкімімен ҚК-нің 297-бабының 3-бөлігінің 3-тармағы бойынша А.Б..-ға қылмыстық-атқару жүйесінің орташа қауіпсіздік мекемесінде жазасын өтей отырып, 10 жыл мерзімге бас бостандығынан айыру жазасы тағайындалды.
Үкім заңды күшіне енген жоқ.
Қайнар: Жамбыл облысының қылмыстық істер жөніндегі мамандандырылған ауданаралық сотының баспасөз қызметі
