Сыбайлас жемқорлықпен күресте, мемлекет пен азаматтардың өмір сүруінің барлық салаларында сыбайлас жемқорлық пен оның көріністері деңгейін төмендету мәселесі күн тәртібінен түспей отыр.
«Сыбайлас жемқорлыққа қарсы іс-қимыл туралы» Заңы 2015 жылы қабылданды. Осы заң аясында мемлекет тарапынан өзекті мәселелерге үлкен көңіл бөлініп, қоғамның сұраныстарына қарай, ұлттық практика мен озық шетелдік тәжірибені ескере отырып, ұдайы жетілдіріліп, әр салада жемқорлыққа қарсы көптеген шаралар қабылданып, іс-әрекеттер жүзеге асырылып жатыр.
Қоғамның мемлекетке және оның институттарына деген сенімін нығайту бүгінгі таңдағы басты міндет. Осыған орай, Қазақстан Республикасының сыбайлас жемқорлыққа қарсы саясатының бірнеше жылдарға арналған тұжырымдамасы бекітілді, ашық жарияланды.
Мемлекетімізді құрақтай құрап отырған әр-бір отбасында тұлғаның қалыптасуының барлық кезеңінде сыбайлас жемқорлыққа қарсы құндылықтарды дарыту, баланы мектепке дейінгіден бастап, әртүрлі жас кезеңдерінде сыбайлас жемқорлыққа қарсы біліммен сүйемелдеп отыру қажет. Заңда көрсетілген жемқорлық жайлы фактілерді оқып, түбегейлі танысып көрсе артық болмаса, кемдік етпейді. Бүгінгі күнде, оған барлық жағдай жасалған, әр азаматтың сауаты ашық, қолында интернет желісіне қосылған құрылғысы бар, бар болғаны заңды аш, оқы.
Шаруасының тез шешілу жолын іздеп, сұрақ-мәселенің тез шешілуін қалап, азамат тарапынан жемқорлыққа әкеп соғатын қадамдар да орын алып отырғаны мәлім. Мәселе шешімінің заңсыз тәсілдерін іздеу ол да жемқорлық.
Сыбайлас жемқорлық ел болашағына, ұлттық қауіпсіздікке үлкен зиян тигізетіні мәлім, сол үшін, бұл келеңсіз құбылыспен күресу тек мемлекеттің міндеті емес екенін, қоғамның да міндеті екенін халық түсіну қажет.
Азаматтардың бойында сыбайлас жемқорлыққа қарсы мәдениет, жемқорлыққа қарсы орнықты иммунитет болмайынша, қалаулы нәтижеге қол жеткізу мүмкін емес.
Сол себепті, жемқорлыққа қарсы жалғыз адам емес, қоғам болып жауапкершілікті сезініп, өз өмірлерінде алып жатқан әр тірлігінде осы індетпен барынша күрес жүргізу керек.
Жамбыл облысының
қылмыстық істер жөніндегі
мамандандырылған ауданаралық
соты әкімшісінің жетекші маманы: Б.М.Оразаева