Қорғаныс министрлігі Әскери қызмет өткеру кезеңінде әскери қызметші немесе әскери жиындарға шақырылған әскери міндетті қаза тапқан (қайтыс болған) жағдайда, оған мүгедектік белгіленген кезде немесе ол әскери қызмет міндеттерін орындауға байланысты мертіккен жағдайда біржолғы өтемақы төлеу жөніндегі нұсқаулықтың жобасын әзірледі.
Нормативтік құқықтық акт мұрагерлер мен әскери қызметшілердің өздері құжаттарды қабылдау, жинақтау және біржолғы өтемақы алу тәртібін реттейді. Онда жергілікті әскери басқару органдарының, сондай-ақ әскери қызметшілер қызмет өткерген әскери бөлімдер мен бөлімшелердің іс-қимыл алгоритмі белгіленген.
Аталған нұсқаулық ҚР Қорғаныс министрінің бұйрығымен бекітілетін болады. Құжат жобасының толық мәтінімен «Электрондық үкімет» порталының «Ашық НҚА» бөлімінде биылғы жылғы 26 шілдеге дейін мына сілтеме арқылы танысуға болады: https://legalacts.egov.kz/npa/view?id=14149493
