Жауынгерлік қарудан атуда жүлдегер атанды
2017 жылдың 24-28 шілде күндері аралығында Өскемен қаласында «Қазақстан Полициясының 25 жылдығы» мен «ЭКСПО-2017» халықаралық көрмесіне арналған құқық қорғау органдары, құрылымдық күштері арасында Жауынгерлік қарудан ату бойынша «Динамо» ДШСҚ және Қазақстан Республикасы Ішкі істер министрлігінің чемпионаты өтті.
Аталмыш жарысқа Жамбыл облысы Ішкі істер департаментінің құрама командасы да қатысып, өз мүмкіндіктерін сынға салды. Чемпионат барысында құқық қорғау органдары, арнайы және құрылымдық күштерінің 7 командасы және өзге облыс ІІД-нен жалпы саны 16 команда, 93 қызметкер бақ сынап, өзара мықтыларды анықтады.
«Динамо» ДШСҚ чемпионатының қорытындысы бойынша құқық қорғау органдары, арнайы және құрылымдық күштер арасында 1 орынды ҚР Ұлттық қауіпсіздік комитеті Шекара қызметінің командасы иеленсе, 2 орынды ҚР ІІМ Мемлекеттік күзет қызметі командасы еншіледі, ал өз кезегінде жүлделі 3 орын ҚР Ішкі істер министрлігі командасына бұйырды.
Чемпионат қорытындысы бойынша облыс ІІД құрама командасының мүшелері жекелей сында келесі жетістіктерге қол жеткізді: әйелдер арасында ПМ-2 жаттығуы бойынша, полиция капитаны А.Адибаева, Меркі АІІБ штабының аға инспекторы «156 ұпай» көрсеткішпен жүлделі 3 орын, ер адамдар арасында ПМ-3 жаттығуы бойынша, полиция майоры Т.Ахметов, ІІД ОЖВ аға инспекторы «251 ұпай» көрсеткішпен 5 орын, полиция капитаны Қ.Тилимбетов, ІІД ОЖВ аға инспекторы «247 ұпай» көрсеткішпен 6 орын, ПМ-4 жаттығуы бойынша, полиция майоры Т.Ахметов, ІІД ОЖВ аға инспекторы «77 ұпай» көрсеткішпен 4 орын, әйелдер арасында ПМ-5 жаттығуы бойынша, полиция капитаны А.Адибаева, Меркі АІІБ штабының аға инспекторы «46 ұпай» көрсеткішпен жүлделі 3 орын, ер адамдар арасында ПМ-6 жаттығуы бойынша, полиция капитаны Қ.Тилимбетов, ІІД ОЖВ аға инспекторы «72 ұпай» көрсеткішпен 5 орын, АК-74 автоматынан жарысқа қатысқан полиция майоры Е.Жанабеков, ІІД ОЖВ аға инспекторы АК-3 жаттығуында «270 ұпай» көрсеткішпен және АК-4 жаттығуында «236 ұпай» көрсеткішпен жүлделі 3 орынға ие болды.
Облыс ІІД құрама командасы осындай көрсеткіштерімен жалпы саны «1355 ұпай» жинап, 16 команданың арасында жүлделі 2 орын тұғырынан көрініп, өз кәсіби шеберліктерінің жоғарылығын көрсетті. Ал жеңімпаз жүлдесін Қарағанды облысы ІІД-нің құрама командасы қанжығасына байласа, 3 орын марапатын Алматы қаласы ІІД командасы олжалады.
Ғ.Тайшапов, ІІД Арнайы даярлық басқармасының бастығы полиция подполковнигі
