Тараз қаласында Жамбыл облысы әкімінің кубогы үшін «Ойдода» интеллектуалды ойыны өтті.
Жамбыл облыс әкімдігі жастар саясаты мәселелері басқармасының ұйымдастыруымен өткен ой додасына Түркістан, Алматы облыстары мен Шымкент, Тараз қалалары және облыс аудандарынан келген 14 команда қатысып, өзара бақ сынасты.
Әр кезең сайын сайыс сұрақтары күрделене түскенімен білімге сенген жастар барлығына тез әрі нақты жауап беруге тырысты.
Зияткерлік ойынның қорытындысы бойынша барлық қарсыластарын айқын басымдықпен алға шыққан «Жамбыл жастары» (Жамбыл ауданы) командасы І орынды иемденіп, облыс әкімінің кубогіне қол жеткізді. Сондай-ақ, тараздық «Ұлы сегіздік» командасы ІІ орынды олжаласа, түркістандық «Эрудит» командасы ІІІ орынға тұрақтады.
Ендігі кезекте жерлестеріміз тамыз айында Нұр-Сұлтан қаласында өтетін сайыста аймақ намысын қорғайтын болады. Сайыс жеңімпазы мен жүлдегерлеріне арнайы дипломдар мен қаржылай сыйақы табыс етілді.
Өңірлік коммуникациялар қызметі
