Жамбылдың үздік фотографы баспаналы болды.
Жамбыл облыстық «Арай» жастар газетінің фототілшісі Алтынбек Қартабай баспаналы болды бұл туралы «TURANINFO.KZ» ақпараттық агенттігі хабарлай фэйсбуктағы «Зарина Қуатова» аккаунтына сілтеме жасап.
«СҮЙІНШІ!!! Жаңа жыл қарсаңында облыстық «Ар-Ай» газетінің фототілшісі, ағамыз Алтынбек Қартабай 175 шаршы метр су жаңа пəтерге ие болды! Қателеспесем Жамбылда БАҚ қауымына С.Үмбетовтен кейін пəтер беріп тұрған əкім К.Көкірекбаев. Жүз жасаңыз! Ал, Алтынбек Картабай шаңырағыңыз шаттық пен берекеге толы болсын! Бекет Момынкул ағамыз айтқандай бұл — барша қалам ұстаған қауымға деген құрмет! Құтты болсын, ЖУРНАЛИСТЕР!
Р.s. Жергілікті журналистердің жағдайын билікке жеткізіп, осындай қуаныштың орын алуына ұйытқы боп жүрген Гулбаршын Куланбаева ханымға алғыс!» — деп жазды фэйсбук парақшасында «77TV» коммерциялық телеарнаның директоры Зарина Қуатова.
Шыны керек Алтынбек Қартабайда кәмелет жасқа толмаған 4 баласы бар, осы уақытқа дейін баспанасыз пәтер жалдап тұратын. Осы хабарды пайдаланып «TURANINFO.KZ» ақпараттық агенттігі А.Қартабайды баспаналы болғанымен құттықтайды.
TURANINFO.KZ
