Өткен демалыс күндері жедел уәкілдердің, тәртіп сақшыларының нақты іс-әрекеттерінің нәтижесінде Тараз қаласының тұрғындарының ұрланған ұялы телефондарының 4 дерегі ашылды.
Азаматтарға келтірілген жалпы шығын 340 мың теңгеден асқан. Мәселен, полицияға облыс орталығының 45 жастағы тұрғыны шағымданған. Қаланың жанармай құю стансасының бірінде белгісіз тұлға оператордың сөресінен құны 130 000 теңге тұратын ұялы телефонды жасырын ұрлап кеткен. Аталған дерекке қатысты ҚР Қылмыстық кодексінің 188-бабы (Ұрлық) бойынша сотқа дейінгі тергеу амалдары басталды.
Оқиғаның ізін суытпай полиция қызметкерлері облыс орталығының 38 жастағы тұрғынын анықтап, ұстады. Ұсталған азамат кінәсін толық мойындап, ұялы телефон иесіне қайтарылды. Алдын ала мәліметтерге сәйкес, қоғамдық орындарда жасалатын ұрлықтың барлық деректері азаматтардың жеке мүлікке немқұрайлы қарауы салдарынан орын алып жатады.
Жамбыл облысы ПД қызметкерлері облыстың барлық тұрғындарына бағалы заттарына, гаджеттер мен смартфондарына ұқыпты болуға, заттарын ашық және еркін түрде қол жететін орындарда қалдырмауға шақырады.