Жамбыл облысының прокуратурасы балалардың құқықтары мен мүдделерін қорғауға ерекше назар аударады.
Прокуратура қоғамдық көлікте электрондық төлем жүйелерін пайдаланған кезінде оқушыларға жеңілдетілген тариф жоқтығын анықтады.
Атап айтқанда, балалар қоғамдық көлікте банк жүйелері мен мобильді қосымша арқылы төлем жасаған кезде, төлем толық көлемде, яғни ересектер сияқты 100 теңге мөлшерінде есептелген, алайда заңнамаға сәйкес мектеп оқушыларына (1-11 сыныптар) 50 теңге белгіленген.
Осылайша оқушылар мемлекет көздеген жеңілдіктермен тиісті түрде қамтылмаған.
Облыс прокуратурасының қабылданған шараларымен оқушылар үшін электрондық жол ақысын төлеу жүйесіне «виртуалды мектеп тарифі» енгізілді.
Бұл енгізілген төлеу жүйесі өңірдің 230 мың оқушысына арнайы «QR кодтарын» пайдалана отырып, жеңілдетілген тариф бойынша қоғамдық көлікте жол ақысын кедергісіз төлеуге мүмкіндік берді.
Жамбыл облысы прокуратурасы
