Жамбыл облысы бойынша Жер ресурстарын басқару департаментінің бөлім басшысы Дамир Мадяров Қылмыстық кодексінің (бұдан әрі — ҚК) 24-бабының 3-бөлігі — 190- бабының 3-бөлігі 2)-тармағымен, 28-бабының 3-бөлігі — 367-бабының 2- бөлігінде көзделген қылмыстық құқық бұзушылықтарды жасағаны үшін айыппен сотқа берілді.
Сотта шенеунік кәсіпкердің жер телімін қайтармау үшін оны алдау және сенімін теріс пайдалану жолымен, соңғының мүлкіне, нақты оның ақшасын алаяқтықпен жымқыруға бағытталған қылмыстық ой-пиғылының сәтті басталғанына көзі жетіп, әңгіме барысында соңғының ақша қаражатын берген жағдайда оны басшылығына жеке өзіне қосымша пара беруге айдап салған.
2025 жылдың 25 қаңтарында Д.Мадяров лауазымды адам бола тұра, өзінің қызмет бабын пайдаланумен кәсіпкерден алдау және сенімін теріс пайдаланумен соңғының 1 000 000 теңге ақшасын алаяқтықпен жымқыруға және де жеке өзіне өзінің басшылығына деген себеппен пара беруге айдап салуға бағытталған қылмыстық ой-пиғылын аяғына дейін жеткізу мақсатында Тараз қаласы, Қойгельды-Асқаров көшелерінің қиылысында кездескен.
Мадяров алаяқтық жолымен және пара беруге айдап салу қылмыстық әрекеттерімен алған 1 000 000 теңге ақша қаражатымен Антикор қызметкерлерімен Тараз қаласы Пушкин көшесі бойынан кетіп бара жатқан жерінен ұсталған.
Д.Мадяровтың өзіне тағылған айып бойынша кінәсін толық мойындағанымен қатар, оның қылмыстық әрекеті жоғарыда көрсетілген айғақтармен қоса, сотқа дейінгі жеделдетілген тергеп тексеру кезінде жинақталған дәлелдемелермен толық дәлелденді.
Дамир Машарипович Мадяров ҚК-нің 24-бабының 3- бөлігі — 190-бабының 3-бөлігі 2)-тармағымен, 28-бабының 4-бөлігі — 367- бабының 2-бөлігімен кінәлі деп танылсын, оған ҚК-нің 24-бабының 3-бөлігі — 190-бабының 3-бөлігі 2)-тармағы бойынша 50-бабының 2-бөлігінің және 55-бабының 3-бөлігінің талаптарына сәйкес мемлекеттік қызметте, судья қызметін, жергілікті өзінөзі басқару органдарында, Қазақстан Республикасының Ұлттық Банкінде және оның ведомстволарында, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органда, мемлекеттік ұйымдарда және квазимемлекеттік сектор субъектілерінде лауазымдарды атқаруға өмір бойына айыра отырып, 2 (екі) жыл 7 (жеті) ай 15 (он бес) күн бас бостандығынан айыру жазасы тағайындалды.
ҚК-нің 28-бабының 4-бөлігі — 367-бабының 2-бөлігі бойынша 50- бабының 2-бөлігінің және 55-бабының 3-бөлігінің талаптарына сәйкес мемлекеттік қызметте, судья қызметін, жергілікті өзін-өзі басқару органдарында, Қазақстан Республикасының Ұлттық Банкінде және оның ведомстволарында, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органда, мемлекеттік ұйымдарда және квазимемлекеттік сектор субъектілерінде лауазымдарды атқаруға өмір бойына айыра отырып, 3 (үш) жыл 3 (үш) ай бас бостандығынан айыру жазасы тағайындалды.
ҚК-тің 58-бабының 3-бөлігін қолданып, қатаңдығы жеңілдірек жазаны неғұрлым қатаң жазаға ішінара қосу жолымен түпкілікті мемлекеттік қызметте, судья қызметін, жергілікті өзін-өзі басқару органдарында, Қазақстан Республикасының Ұлттық Банкінде және оның ведомстволарында, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органда, мемлекеттік ұйымдарда және квазимемлекеттік сектор субъектілерінде лауазымдарды атқаруға өмір бойына айыра отырып, 3 (үш) жыл 6 (алты) ай бас бостандығынан айыру жазасы тағайындалды.
Жазасын өтеу қылмыстық атқару жүйесінің орташа қауіпсіздігі мекемесінде белгіленді.
Мадяровты сот залынан күзетке алынды.
Дамир Мадяров ҚР Мемлекеттік қызмет істері және сыбайлас жемқорлыққа қарсы Агенттігінің Жамбыл облысы бойынша департаментінде бас маман болып қызмет атқарған.
TURANINFO.KZ
