Ауыл тұрғындарының өмір сүру сапасы мен әл-ауқатын жақсарту, ауылдарды тұрақты дамыту мақсатында Мемлекет басшысының тапсырмасымен 2019 жылдан бастап елімізде «Ауыл — Ел бесігі» жобасы іске асырылуда.
Аталған бағдарлама аясында 2022 жылы 82 (38 тіректі, 43 спутникті, 1 стратегиялық) елді — мекенде 149 жобаны іске асыру үшін бюджеттен 14,1 млрд. теңге (ҚР Ұлттық қоры – 12,4 млрд.теңге, ЖБ – 1,7 млрд.теңге) бөлінді. Оның ішінде, 1 мектепке жапсарлас ғимараттың, 16 денешынықтыру – сауықтыру кешенінің, 15 денсаулық сақтау нысанының және 10 мәдениет үйінің құрылысы жүргізілсе, 8 білім нысандарының жылу қазандықтарын газға алмастыру жоспарланған болатын. Бұдан бөлек, 11 мектеп, 8 денсаулық нысаны, 6 мәдениет үйілері күрделі жөнделетін болса, 172,7 шақырымға жуық ауылішілік көшелер орташа жөндеуден өткізіледі. Жобаларды іске асыру нәтижесінде 816 жұмыс орындарын құру көзделді, оның ішінде 75 тұрақты және 741 уақытша жұмыс орындары.
2023 жылдың 1 қаңтардағы жағдай бойынша 13,3 млрд. теңге (ҚР ҰҚ – 11,7 млрд.тг, ЖБ – 1,6 млрд.тг) игеріліп, жылдық жоспар 94,6%-ға орындалды.
Игерілген қаражатқа, Байзақ ауданы Үлгілі ауылындағы 1 орта мектепке жапсарлас ғимараттың, Талас ауданы Үшарал ауылында 45 келушіге, Жамбыл ауданы Қаракемер ауылында 25 келушіге, Меркі ауданы Гранитогорск ауылында 10 келушіге, Т.Рысқұлов ауданы Жақсылық ауылында 15 келушіге, Жаңатұрмыс ауылында 25 келушіге, Сарысу ауданы Әбілда ауылында 5 келушіге, Жуалы ауданында Күреңбел ауылында 25 келушіге, Байтерек ауылында 25 келушіге, Байзақ ауданы, Түймекент ауылында 30 келушіге, Қордай ауданы, Сұлутөр ауылында 10 келушіге және Мойынқұм ауданы, Биназар ауылында 10 келушіге арналған 11 денсаулық нысандарының, Талас ауданы Ақкөл ауылында және Мойынқұм ауданы, Шығанақ ауылында 2 денешынықтыру-сауықтыру кешендерінің, Шу ауданы Д.Қонаев ауылында 1 мәдениет үйінің құрылыстары аяқталса, Байзақ ауданы Ақжар ауылында 2 білім нысанын, Шу ауданы Сауытбек, Төле би, Қонаев ауылдарында 6 білім нысанын газбен қамту, 10 мектептің, 6 мәдениет нысанын және 8 денсаулық сақтау нысандарының күрделі жөндеу жұмыстары мен 67 ауылішілік (146 шқ) жолдарының орташа жөндеу жұмыстары аяқталды.
2022 жылы жоба аясында іске асырылған 149 жобаның 114-де жұмыстар толық аяқталып, пайдалауға берілсе, 17 (Спорт кешенінің құрылысы: Жуалы – 1, Қордай – 3. Мәдениет үйі құрылысы: Қордай – 1, Шу – 1, Денсаулық сақтау нысанының құрылысы: Байзақ – 2, Қордай – 1. Ағымдағы жөндеу жұмыстары: Меркі – 4, Шу – 2, Жуалы – 1, Білім басқармасы — 1) жоба объективті себептерге (конкурстық шаралардың ұзақтығы, ауа райының қолайсыздығы, қажетті материалдардың болмауы және т.б) байланысты жоспарға сәйкес уақытылы аяқталмады. Ал, 18 жобаның құрылысы (Спорт кешенінің құрылысы: Жамбыл – 5, Шу – 1, Рысқұлов – 3, Мойынқұм – 1. Мәдениет үйі құрылысы: Қордай – 2, Меркі – 2, Байзақ – 1, Жуалы – 1, Т.Рысқұлов – 1. Денсаулық сақтау нысанының құрылысы: Меркі –1) 2023 жылға өтпелі нысандар болып жоспарланған.
Ағымдағы жылға өтпелі болып табылған және өткен жылы аяқталмай қалған нысандар 2023 жылы жоспарға сәйкес аяқталатын болады.
2023 жылы да бұл бастама жалғасын тауып, жоба аясында 78 елді мекенде (31 тіректі, 45 спутникті, 2 стратегиялық) 246 жобаны іске асыруға 10,6 млрд.теңге (РБ 2,6 млрд.теңге, ЖБ 8,0 млрд. теңге) бөлінді.
Жалпы бөлінген қаржыға 2 мектепке жапсарлас ғимараттың, 13 денешынықтыру – сауықтыру кешенінің, 4 мәдениет үйінің, 1 денсаулық сақтау нысанының құрылысы және 8 әлеуметтік нысандар мен 182,3 шақырымға жуық ауылішілік көшелерінің жөндеу жұмыстарын жүргізу жүзеге асырылатын болады.
Сонымен қатар, ағымдағы жылы республикалық бюджеттің нақтылауына қосымша 26 жобаны қаржыландыруға 4,2 млрд. теңгеге бюджеттік өтінім ұсынылды. Оның ішінде 4 мектепке жапсарлас ғимарат құрылысы, 6 денешынықтыру – сауықтыру кешенінің және 7 мәдениет нысанының құрылысы салынатын болса, 1 денсаулық сақтау ғимараты қайта жаңғыртылады, 7 мектептің қазандығы көгілдір отынға алмастырылып 1 елді — мекен электрмен қамтамасыз етілетін болады.
Жалпы жобаларды іске асыру нәтижесінде ағымдағы жылы 920 жұмыс (131-і тұрақты және 789 уақытша) орындарын құру арқылы, ауыл тұрғындарын жаңа жұмыспен қамтып, табысын арттыру көзделуде.
Бағдарлама аясында соңғы жылдары бірқатар маңызды жұмыстар қарқын алған болса, алдағы жылдары басқа да ауылдарда жақсы жаңалықтар легі жалғасын табады деп сенеміз.
